Lok Sabha Election : લોકસભા ચૂંટણીને લઈને ગુજરાતની 25 બેઠકો પર મતદાન ચાલી રહ્યું છે. જેને લઈને વડાપ્રધાન મોદી અમદાવાદ ખાતે મતદાન કર્યું હતું. આ સાથે જ, ગૃહમંત્રી અમિત શાહે તેમની પત્ની અને પુત્ર સાથે મતદાન કર્યું હતું. આ પહેલા તેઓ નારણપુરાના કામેશ્વર મંદિરે પહોંચ્યા હતા, જ્યા તેમણે દર્શન કર્યા હતા.
ગૃહમંત્રી અમિત શાહે અમદાવાદમાં મતદાન કર્યું છે. આ પહેલા વડાપ્રધાન નરેન્દ્ર મોદીએ અમદાવાદમાં મતદાન કર્યું હતું. કેન્દ્રીય ગૃહ પ્રધાન અમિત શાહ, તેમના પુત્ર અને BCCI સચિવ જય શાહ અને તેમની પત્ની સોનલ શાહે ગુજરાતના અમદાવાદમાં મતદાન મથક પર મતદાન કર્યું હતું. આ અગાઉ, PM મોદીએ રાણીપ ખાતે મતદાન કર્યું હતું.
ગુજરાતમાં ચાલી રહેલી સામાન્ય ચૂંટણીના ત્રીજા તબક્કામાં 7 મેના રોજ 26માંથી 25 બેઠકો માટે મતદાન થવાનું છે. ત્રીજા તબક્કામાં કચ્છ, બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ પૂર્વ, અમદાવાદ પશ્ચિમ, સુરેન્દ્રનગર, રાજકોટ, પોરબંદર, જામનગર, જૂનાગઢ, અમરેલી, ભાવનગર, આણંદ, ખેડા, પંચમહાલ, દાહોદ, વડોદરા, છોટા ઉદેપુર, ભરૂચ, બારડોલી, નવસારી અને વલસાડ બેઠકોનો સમાવેશ થશે.જોકે, સુરતમાં મતદાન થશે નહીં, કારણ કે ભાજપના ઉમેદવાર મુકેશ દલાલ ગયા અઠવાડિયે બિનહરીફ ચૂંટાયા હતા. કોંગ્રેસના નિલેશ કુંભાણીનું નામાંકન ફગાવી દેવાયા અને અન્ય ઉમેદવારોએ ચૂંટણીમાંથી ખસી ગયા બાદ આ નિર્ણય લેવામાં આવ્યો છે. 4 જૂને ચૂંટણીના પરિણામો જાહેર થશે.
