BGT પહેલા ગંભીર-રોહિતની વધશે ચિંતા! નિવૃત્તિમાંથી પરત ફરવા માટે આતુર છે આ ઓસ્ટ્રેલિયન દિગ્ગજ ખેલાડી

હું હંમેશા ઉપલબ્ધ છું

વોર્નરે કહ્યું કે, “હું હંમેશા ઉપલબ્ધ હોઉં છું, કોલ આવવામાં માત્ર વિલંબ થાય છે. હું હંમેશા રમતને લઈને ખૂબ જ ગંભીર રહું છું. સાચું કહું તો, જો તેમને આ શ્રેણી માટે ખરેખર મારી જરૂર હોય, તો “હું હવે પછીની રમત રમવા માટે ઉત્સાહિત છું.”

નિવૃત્તિનું કારણ જણાવ્યું

વોર્નરે કહ્યું, “મેં યોગ્ય કારણોસર નિવૃત્તિ લીધી હતી. હું માત્ર રમત પૂરી કરવા માંગતો હતો. જો કોઈ ખેલાડીની જરૂર હોય તો હું ઉપલબ્ધ છું. હું તેમાંથી પાછળ હટવાનો નથી.” વાસ્તવમાં ડેવિડ વોર્નરની નિવૃત્તિ બાદ કાંગારૂ ટીમ ઉસ્માન ખ્વાજા માટે પાર્ટનર શોધી રહી છે.વોર્નરે કહ્યું, “તેમણે ઓસ્ટ્રેલિયાના મુખ્ય કોચ એન્ડ્રુ મેકડોનાલ્ડ અને મુખ્ય પસંદગીકાર જ્યોર્જ બેઈલી બંનેને મેસેજ કર્યો હતો.” “મેં મેકડોનાલ્ડ સાથે વાત કરી અને તેમનો પ્રતિભાવ હતો, ‘તમે નિવૃત્ત થયા છો’,” વોર્નરે હસતાં હસતાં કહ્યું. “મને નથી લાગતું કે તે મને એમ કહીને આનંદ આપવા માંગે છે કે, ‘શું તમે પાછા આવી શકશો?’.”

ટેસ્ટમાં વોર્નરનું પ્રદર્શન

ડેવિડ વોર્નરે ડિસેમ્બર 2011માં ન્યૂઝીલેન્ડ ક્રિકેટ ટીમ સામે ટેસ્ટ ડેબ્યૂ કર્યું હતું.
ટેસ્ટમાં ડેવિડ વોર્નરના પ્રદર્શનની વાત કરીએ તો તેણે પોતાના કરિયરમાં 112 ટેસ્ટ મેચ રમી હતી.
આ સમયગાળા દરમિયાન તેણે 205 ઇનિંગ્સમાં 44.59ની એવરેજ અને 70.19ની સ્ટ્રાઇક રેટથી 8786 રન બનાવ્યા હતા.
વોર્નરે ટેસ્ટમાં 37 અડધી સદી અને 26 સદી ફટકારી છે. ટેસ્ટમાં તેનો સર્વોચ્ચ સ્કોર અણનમ 335 રન છે.

ભારત સામે ટેસ્ટમાં પ્રદર્શન

ભારતીય ટીમ સામે ડેવિડ વોર્નરના ટેસ્ટ આંકડાઓ પર નજર કરીએ તો તેણે 21 મેચ રમી હતી. આ સમયગાળા દરમિયાન ઓસ્ટ્રેલિયાના ઓપનિંગ બેટ્સમેને 31.23ની એવરેજથી 1218 રન બનાવ્યા હતા. વોર્નરે ભારત સામેની ટેસ્ટમાં 4 સદી પણ ફટકારી હતી. વોર્નરનો ટીમ ઈન્ડિયા સામે ટેસ્ટમાં સર્વોચ્ચ સ્કોર 180 રન છે. આવી સ્થિતિમાં જો વોર્નર વાપસી કરશે તો ભારતીય ટીમની મુશ્કેલીઓ વધી શકે છે.