પ્રસાદની શુદ્ધતા માટે ‘સનાતન ધર્મ સર્ટિફિકેટ’ જરૂરી, પવન કલ્યાણે કરી મોટી માંગ

પવન કલ્યાણે કહ્યું કે રાજ્ય અને દેશ સ્તરે ‘સનાતન ધર્મ સંરક્ષણ બોર્ડ’ની રચના કરવાની જરૂર છે. આ સિવાય બોર્ડ માટે દર વર્ષે ફંડ બહાર પાડવું જોઈએ. તેમણે કહ્યું કે, સનાતન ધર્મને એક મજબૂત બોર્ડની જરૂર છે જે સનાતનની આસ્થાને નુકસાન પહોંચાડતી આવી પ્રવૃત્તિઓને અટકાવે. ‘વારાહી’ ઘોષણામાં, કલ્યાણે કહ્યું કે સનાતન ધર્મને નફરત કરનારાઓ સાથે કોઈ સહકાર ન હોવો જોઈએ.

તેમણે કહ્યું કે આપણે પોતે જ આપણા ધર્મ અને પરંપરાનું રક્ષણ કરવાનું છે. તેમણે કોંગ્રેસના સાંસદ રાહુલ ગાંધી પર નિશાન સાધ્યું હતું. રાહુલ ગાંધીએ કહ્યું હતું કે અયોધ્યા સમારોહ માત્ર ડાન્સ અને ગીતનો મેળાવડો હતો. તેના પર કલ્યાણે કહ્યું કે પહેલા તેઓ હિન્દુઓ પર હુમલો કરે છે અને પછી તેમના વોટ માંગે છે. તમે મોદીજીને નફરત કરી શકો છો પરંતુ ભગવાન રામ વિરુદ્ધ બોલવાની હિંમત કેવી રીતે કરી શકો.