પંજાબમાં સરહદ પારથી ડ્રગ્સની દાણચોરી કરતી ગેંગનો પર્દાફાશ થયો છે. અહીંથી 105 કિલો હેરોઈન ઝડપાયું છે. પંજાબ પોલીસે રવિવારે આ જાણકારી આપી. પોલીસે જણાવ્યું કે આ સાથે વિદેશમાં રહેતા ડ્રગ્સ સ્મગલરો સાથે જોડાયેલા બે લોકોની પણ ધરપકડ કરવામાં આવી છે. પંજાબના પોલીસ મહાનિર્દેશક ગૌરવ યાદવે જણાવ્યું હતું કે પાકિસ્તાનથી ડ્રગ્સ લાવવા માટે દરિયાઈ માર્ગનો ઉપયોગ કરવામાં આવ્યો હતો અને ટાયરની મોટી રબર ટ્યુબ પણ મળી આવી છે.
પોલીસે જણાવ્યું કે વિદેશમાં રહેતા ડ્રગ સ્મગલરના બે સહયોગીની ધરપકડ કરવામાં આવી છે. તેમની પાસેથી પાંચ વિદેશી પિસ્તોલ અને એક દેશી બનાવટની પિસ્તોલ પણ મળી આવી છે. યાદવે સોશિયલ મીડિયા પ્લેટફોર્મ ‘X’ પર એક પોસ્ટમાં જણાવ્યું હતું કે પંજાબમાં ગુપ્તચર ઓપરેશન દરમિયાન સીમાપાર ડ્રગ્સની દાણચોરી કરતી ગેંગનો પર્દાફાશ કરવામાં આવ્યો છે.
વિદેશમાં રહેતા ડ્રગ્સ સ્મગલર નવપ્રીત સિંહ ઉર્ફે નવ ભુલ્લરના બે સહયોગીઓની ધરપકડ કરવામાં આવી છે અને તેમની પાસેથી 105 કિલો હેરોઈન, 31.93 કિલો કેફીન એનહાઇડ્રસ, 17 કિલો ડીએમઆર, પાંચ વિદેશી પિસ્તોલ અને એક દેશી બનાવટની પિસ્તોલ મળી આવી છે. તેમણે કહ્યું કે ધરપકડ કરાયેલા આરોપીઓની ઓળખ નવજોત સિંહ અને લવપ્રીત કુમાર તરીકે થઈ છે.
ગૌરવ યાદવે જણાવ્યું કે પાકિસ્તાનથી માદક દ્રવ્ય લાવવા માટે દરિયાઈ માર્ગનો ઉપયોગ કરવામાં આવતો હતો. ટાયરોની મોટી રબરની ટ્યુબ પણ મળી આવી હતી. આ દર્શાવે છે કે દરિયાઈ માર્ગે તેમની દાણચોરી કરવામાં આવી હતી. ડીજીપીએ કહ્યું કે આ ઘટનાના સંબંધમાં એફઆઈઆર નોંધવામાં આવી છે અને ડ્રગ સ્મગલિંગ ગેંગમાં સામેલ અન્ય ગુનેગારોની ધરપકડ કરવા માટે તપાસ ચાલી રહી છે.
