મહારાષ્ટ્રના જાલના જિલ્લામાં રવિવારે બપોરે એક ધાર્મિક કાર્યક્રમ દરમિયાન ભારે પવનને કારણે મંડપ તૂટી પડતાં 25 શ્રદ્ધાળુઓ ઘાયલ થયા હતા. એક અધિકારીએ આ માહિતી આપી. તેમણે કહ્યું કે ૧૩ લોકો ગંભીર રીતે ઘાયલ થયા છે. તેમની સારવાર જાલના જિલ્લા હોસ્પિટલમાં ચાલી રહી છે જ્યારે ૧૨ અન્ય લોકોને હસનાબાદના ગ્રામીણ આરોગ્ય કેન્દ્રમાં દાખલ કરવામાં આવ્યા છે. તેમણે કહ્યું કે આ ઘટના બપોરે 1 વાગ્યે ભોકરદાન તાલુકાના વઝીરખેડા ગામમાં બની હતી જ્યારે સંતોષ મહારાજ અડાવણેના ‘શિવ મહાપુરાણ’ પરના પ્રવચનને સાંભળવા માટે મોટી સંખ્યામાં ભક્તો એકઠા થયા હતા.
“લોખંડના સળિયાની મદદથી બનાવેલ કામચલાઉ મંડપ ભારે પવનને કારણે તૂટી પડ્યો,” અધિકારીએ જણાવ્યું. તેની છત નીચે ભેગા થયેલા ભક્તો પર પડી. ભૂતપૂર્વ જિલ્લા પરિષદ સભ્ય ગણેશ ફુકેએ જણાવ્યું હતું કે ઘાયલોને હોસ્પિટલમાં મોકલવામાં આવ્યા અને મંડપ ફરીથી સ્થાપિત થયા પછી પણ કાર્યક્રમ ચાલુ રહ્યો. તેમણે કહ્યું કે આ પ્રવચન ૧૮ એપ્રિલથી શરૂ થયું હતું અને ૨૫ એપ્રિલ સુધી ચાલુ રહેશે અને આજે બપોરે ૫૦૦૦ ભક્તો એકઠા થયા હતા.
થાણેમાં સ્વિમિંગ પુલમાં ડૂબી જવાથી છોકરાનું મોત
રવિવારે થાણેમાં મીરા ભાઈંદર મ્યુનિસિપલ કોર્પોરેશનની માલિકીના સ્વિમિંગ પુલમાં ડૂબી જવાથી 11 વર્ષના છોકરાનું મોત થયું. પોલીસે આ માહિતી આપી. એક અધિકારીએ જણાવ્યું કે ઘટના બાદ પોલીસે અકસ્માત મૃત્યુનો કેસ નોંધ્યો છે. દરમિયાન, મૃતક છોકરા ગ્રંથ મુથાના માતા-પિતાએ આરોપ લગાવ્યો કે ઘટના સમયે કોઈ કર્મચારી ઘટનાસ્થળે હાજર ન હતો. તેમણે કાર્યવાહીની માંગ કરી. પોલીસ અધિકારીએ જણાવ્યું કે, સવારે ૧૧:૩૦ વાગ્યે મુથાને નજીકની હોસ્પિટલમાં લઈ જવામાં આવ્યા, જ્યાં ડોક્ટરોએ તેમને મૃત જાહેર કર્યા.
