ઇન્ટરનેશનલ એમી ૨૦૨૫ માં ઓરીઓલ પ્લાને બેસ્ટ એક્ટરનો એવોર્ડ મળ્યો. દિલજિતની ‘અમરસિંહ ચમકીલા’ એમી ૨૦૨૫ ન જીતી શકી.આ ફિલ્મનું સંગીત એ.આર. રહેમાન દ્વાપા કમ્પોઝ કરવામાં આવ્યું હતું. આ ફિલ્મ ગ્લોબલી ૧૨ એપ્રિલ, ૨૦૨૪ના રોજ રિલીઝ થઈ હતી.દિલજિત દોસાંજને બેસ્ટ એક્ટરના એવોર્ડ માટે ૨૦૨૫ના ઇન્ટરનેશનલ એમી એવોર્ડ્ઝમાં નોમિનેશન મળ્યું હતું. પરંતુ તેની ફિલ્મ ‘અમરસિંહ ચમકિલા’ આ પ્રતિષ્ઠિત એવોર્ડમાંથી બહાર થઈ ગઈ છે. તેના બદલે આ અવોર્ડ સ્પેનના ઓરિઓલ પ્લાને ‘યો એડિક્ટો’ માટે મળ્યો છે. દિલજિત દોંસાજ ઇમ્તિઆઝ અલીની બાયોપિક ફિલ્મ ‘અમરસિંહ ચમકિલા’ માટે નોમિનેટ થયો હતો. આ ફિલ્મ બેસ્ટ ટીવી મુવી અને મિની સિરીઝ કેટેગરીમાં પણ નોમિનેટ થઈ હતી, તેમાં પણ યૂકેની ‘લોસ્ટ બોય્ઝ એન્ડ ફેરીઝ’ને એવોર્ડ મળી ગયો છે.સોમવારે ૨૪ નવેમ્બરે ૫૩મા ઇન્ટરનેશનલ એમી એવોર્ડ્ઝનું ન્યુયોર્કમાં આયોજન થયું હતું. તેમાં ભલે એવોર્ડ્ઝ ન જીત્યા 
તેમ છતાં દિલજિત દોસાંજ અને ઇમ્તિઆઝ અલી રેડ કાર્પેટ પર સ્ટાઇલીશ લૂકમાં પહોંચ્યા હતા. જ્યાં દિલજિતે ચમકતું જેકેટ અને સફેદ શર્ટ પહેર્યું હતું અને માથે કાળી પાઘડી પહેરી હતી. જ્યારે ઇમ્તિઆઝ અલી નેટફ્લિક્સ ઇન્ડિયાના કન્ટેન્ટના વાઇસ પ્રેસિડેન્ટ મોનિકા શેરગિલ અને ઓરિજિન ફિલ્મ વિભાગના ડિરેક્ટર રુચિકા કપૂર શેખ સાથે જાેવા મળ્યા હતા. નેટફ્લિક્સની આ ફિલ્મમાં પંજાબી લોકકલાકાર અમરસિંહ ચમકિલાની વાત કરવામાં આવી હતી. જેઓ બોલ્ડ ગીતો અને સામાજિત રુઢીઓને પડાકરતા ગીતો માટે જાણીતા કલાકાર હતા. આ ફિલ્મમાં દિલજિત અને પરિણિતી ચોપરાએ આબેહુબ પાત્રો ભજવ્યા હતા.આ ફિલ્મનું સંગીત એ.આર. રહેમાન દ્વાપા કમ્પોઝ કરવામાં આવ્યું હતું. આ ફિલ્મ ગ્લોબલી ૧૨ એપ્રિલ, ૨૦૨૪ના રોજ રિલીઝ થઈ હતી. આ ફિલ્મને બે કેટેગરીમાં મળેલા નોમિનેશન ભારતના કન્ટેન્ટની વધતી જતી હાજરી તેની નોંધપાત્ર વૈશ્વિક પહોંચ દર્શાવે છે.
