એટલે કે AIના જેટલા ફાયદા છે તેટલા ગેરફાયદા પણ છે. AIના ટ્રેન્ડ પછી, ડીપફેકના કિસ્સાઓ દિવસેને દિવસે ઝડપથી વધી રહ્યા છે, જેનો ભોગ બોલિવૂડથી લઈને હોલીવુડની અભિનેત્રીઓ બની રહી છે.
જોકે અભિનેત્રીઓ વર્ષોથી ડીપફેક તસવીરો અને વીડિયોનો શિકાર બની રહી છે, પરંતુ રશ્મિકા મંદન્ના બાદ આ મુદ્દો પ્રકાશમાં આવ્યો છે. રશ્મિકાએ પોતાનો પક્ષ રાખ્યો અને આરોપી સામે પોલીસ કેસ પણ કર્યો. હવે હોલિવૂડ સિંગર ટેલર સ્વિફ્ટ પણ તેનો શિકાર બની છે.
ટેલર સ્વિફ્ટ ડીપફેકનો શિકાર બની
‘લવર’ સિંગર ટેલર સ્વિફ્ટ ડીપફેકનો શિકાર બની. તાજેતરમાં, ટેલરની અશ્લીલ તસવીરો સોશિયલ મીડિયા પ્લેટફોર્મ X (Twitter) પર પોસ્ટ કરવામાં આવી હતી, જે વાયરલ થઈ હતી. ચાહકોએ ટેલરના સમર્થનમાં અવાજ ઉઠાવ્યો હતો અને તેની વાંધાજનક તસવીરો હટાવવાની માંગ કરી હતી. આ પછી એક્સની ટીમે કાર્યવાહી કરી અને ટેલરની તમામ અશ્લીલ તસવીરો હટાવી લીધી.
ટેલર સ્વિફ્ટના સમર્થનમાં રાજકારણીઓ
ટેલર સ્વિફ્ટની અશ્લીલ તસવીરો સોશિયલ મીડિયા પરથી હટાવી દેવામાં આવી હોવા છતાં વિવાદ હજુ અટક્યો નથી. ટેલરના ડીપફેક ફોટાની ચર્ચા માત્ર ઈન્ટરનેટ પર જ નહીં પરંતુ અમેરિકી સંસદ અને કોંગ્રેસમાં પણ શરૂ થઈ ગઈ છે. અમેરિકન નેતાઓ ટેલરને સમર્થન આપી રહ્યા છે અને આ ટેક્નોલોજી વિરુદ્ધ કાયદો બનાવવાની માંગ કરી રહ્યા છે.
‘ડીપફેક ટેક્નોલોજી સામે કાયદો પસાર થવો જોઈએ’
ABC અનુસાર, વ્હાઇટ હાઉસના પ્રવક્તા કરીન જીન-પિયરે ડીપફેક ટેક્નોલોજી સામે કાયદો પસાર કરવાની માંગ કરી છે. “અમે તે તસવીરોના ફેલાવાના અહેવાલોથી પરેશાન છીએ. તે ચિંતાજનક છે,” કેરિને કહ્યું.
પ્રવક્તાએ વધુમાં કહ્યું કે સોશિયલ મીડિયા પ્લેટફોર્મે વાંધાજનક તસવીરો અને ખોટી માહિતીથી બચવા માટે કડક નિયમો લાગુ કરવા જોઈએ. અમેરિકી પ્રતિનિધિ જો મોરેલે ટેલર સ્વિફ્ટની વાયરલ થઈ રહેલી અશ્લીલ તસવીરોને ભયાનક ગણાવી છે.
