૧૭ વાહન ચોરીના ભેદ ઉકેલાયા.ઉત્તર ગુજરાતમાં વાહનની ચોરી કરતી ગેન્ગના ત્રણ જણા પકડાયા.આરોપી પાસેથી ચોરી કરાયેલા ૧૦ બાઇક અને એક બોલેરો મળી ૧૧ વાહનો કબજે કરી ત્રણની અટકાયત કરી હતી.બનાસકાંઠા, પાટણ અને મહેસાણા જિલ્લામાં બાઇક સહિતના વાહનોની ઉઠાંતરી કરતી ટોળકીને પાલનપુર એલસીબીની ટીમે ઝડપી પાડી છે.
જેમાં જુદા જુદા ૧૭ વાહન ચોરીના ભેદ ઉકેલીને આરોપી પાસેથી ચોરી કરાયેલા ૧૦ બાઇક અને એક બોલેરો મળી ૧૧ વાહનો કબજે કરી ત્રણની અટકાયત કરી હતી.બનાસકાંઠા લોકલ ક્રાઇમ બ્રાન્ચની અલગ અલગ અલગ ૩ ટીમો દ્વારા વાહન ચોરીના ગુના ડીટેક્ટ કરવા હ્યુમન સોર્સ તથા ટેકનીકલી લીડ મેળવવાનો ટાસ્ક અપાયો હતો. જેમાં અલગ અલગ જગ્યાના આશરે ૧૦૦ વધારે સીસીટીવી ફૂટેજ, હ્યુમન સોર્સ તથા ટેકનિકલ, નેત્રમ કેમેરાની મદદથી આજુબાજુના જિલ્લાઓમાં બનેલા વાહન ચોરીના ગુનાઓમાં સંડોવાયેલા નરેશ ઉર્ફ નરશા દિતારામ ખેર (રહે.મહુડી તા.કોટડા જિ.ઉદેપુર રાજસ્થાન), કિરણસિંહ દિનેશસિંહ વાઘેલા (રહે.ખીમાણા, તા.શિહોરી), મોતીભાઇ ગણેશભાઇ રબારી (રહે.ભવાનગઢ, તા.દાંતા)ને ઝડપી પાડી તેમની પાસેથી ચોરી કરેલા ૧૦ બાઇક અને એક બોલેરો મળી કુલ રૂ.૪.૧૩ લાખની કિંમતના વાહનો કબજે કરી ૧૭ અનડિટેક્ટ વાહન ચોરીના ગુનાઓનો ભેદ ઉકેલ્યો છે. જ્યારે વાહન ચોરીમાં સંડોવાયેલા ફરાર આરોપી અંપિલાલ લખમાજી બુંબડીયા (રાજસ્થાન)ને ઝડપી લેવા ચક્રો ગતિમાન કર્યા છે. વાહન ચોરીના ગુનામાં સંડોવાયેલા આરોપીઓ હેન્ડલ લોક વગરના વાહનો તેમજ તેમની પાસેથી ડુપ્લીકેટ ચાવીઓ વડે લોક ખોલી મોટે ભાગે પાર્કિંગ કરેલા વાહનો ઉપર બેસી ચોરી કરેલા જેમાં બાઇક તેમના રહેણાંક વિસ્તારોમાં લઇ જતાં હતાં
