કર્ણાટક કોંગ્રેસમાં રોટેશનલ સીએમ ફોર્મ્યુલા લાવવાની અટકળો ચાલી રહી છે. જો કે કોંગ્રેસના નેતાઓ આ અંગે સ્પષ્ટ કંઈ કહી રહ્યા નથી. હકીકતમાં રાજ્યના નાયબ મુખ્યમંત્રી ડીકે શિવકુમારના ભાઈ ડીકે સુરેશે દાવો કર્યો હતો કે તેમના ભાઈ અઢી વર્ષ પછી મુખ્યમંત્રી બનશે. ખાસ વાત એ છે કે વર્ષ 2023માં કર્ણાટક વિધાનસભાની ચૂંટણીમાં જીત બાદ સીએમ પદને લઈને ઘણો તણાવ જોવા મળ્યો હતો.
બુધવારે જ્યારે ડીકે સુરેશને મુખ્યમંત્રી સિદ્ધારમૈયાના સ્થાને સંભવિત ઉમેદવાર વિશે પૂછવામાં આવ્યું ત્યારે તેણે પોતાના ભાઈનું નામ લીધું હતું. તેમને પૂછવામાં આવ્યું કે શું શિવકુમારની મુખ્યમંત્રી બનવાની મહત્વાકાંક્ષા પૂરી થશે? આના પર તેણે જવાબ આપ્યો, ‘સ્વપ્ન જોવું ખોટું નથી. હું એમ નથી કહેતો કે તમે જે બોલો છો તે ખોટું છે. સપના સાકાર થવામાં સમય લાગે છે.
સિદ્ધારમૈયા અને શિવકુમાર વચ્ચે સત્તાની વહેંચણી પર તેમણે કહ્યું હતું કે, ‘હાઈકમાન્ડે આ મામલે નિર્ણય લીધો છે. હું અત્યારે કંઈ નહીં કહીશ, પરંતુ એક સમય એવો આવશે જ્યારે શિવકુમારનું સપનું પૂરું થશે. 2023ની વિધાનસભા ચૂંટણીમાં કોંગ્રેસે 224માંથી 135 બેઠકો જીતીને સરકાર બનાવી હતી.
કોંગ્રેસના નેતાઓએ શું કહ્યું?
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેના પુત્ર અને કર્ણાટક સરકારમાં મંત્રી પ્રિયંક ખડગેએ કહ્યું કે આ વાતની કોઈને જાણ નથી. તેમણે કહ્યું, ‘કોઈને પણ આ અંગે બોલવાનો અધિકાર નથી. આ હાઈકમાન્ડનો નિર્ણય હશે.
