દેવેન્દ્ર ફડણવીસે આજે સાંજે ત્રીજી વખત મહારાષ્ટ્રના મુખ્યમંત્રી તરીકે શપથ લીધા છે. તેમની સાથે એકનાથ શિંદે અને અજિત પવાર ડેપ્યુટી સીએમ તરીકે સરકારમાં જોડાયા હતા. શપથ ગ્રહણમાં રાજકારણ, બિઝનેસ અને બોલિવૂડ-ક્રિકેટની મોટી હસ્તીઓએ ભાગ લીધો હતો. શપથ ગ્રહણ સમારોહમાં યુપીના સીએમ યોગી આદિત્યનાથ અને બિહારના સીએમ નીતિશ કુમારે પણ હાજરી આપી હતી. યોગી અને નીતીશ સ્ટેજ પર સાથે બેઠેલા જોવા મળ્યા હતા. આ ભવ્ય સમારોહમાં એનડીએ શાસિત રાજ્યોના મુખ્યમંત્રીઓએ પણ હાજરી આપી હતી.
દેવેન્દ્ર ફડણવીસના શપથ ગ્રહણ સમારોહમાં ભાજપે પોતાની તાકાત બતાવી. પીએમ નરેન્દ્ર મોદીની હાજરીમાં દેવેન્દ્ર ફડણવીસે મુખ્યમંત્રી પદના શપથ લીધા. ઉદ્ધવ ઠાકરે, રાજ ઠાકરે અને શરદ પવારે શપથ ગ્રહણ સમારોહથી અંતર રાખ્યું હોવા છતાં, એનડીએ શાસિત રાજ્યોના મુખ્ય પ્રધાનોએ હાજરી આપી હતી. વરિષ્ઠ નેતાઓમાં ગૃહમંત્રી અમિત શાહ, જેપી નડ્ડા, નીતિન ગડકરીએ પણ ભાગ લીધો હતો.
મહાયુતિ ગઠબંધને 23 નવેમ્બરે બમ્પર વિજય સાથે બહુમતી મેળવી હતી. MVA ગઠબંધનને કારમી હારનો સામનો કરવો પડ્યો. એકલા ભાજપને 132 બેઠકો મળી હતી. મહારાષ્ટ્રમાં ભાજપનું આ રેકોર્ડ પ્રદર્શન છે. શપથગ્રહણના થોડા દિવસ પહેલા મહારાષ્ટ્રમાં કોણ બનશે સીએમ? આ અંગે સસ્પેન્સ હતું.
સૂત્રોએ જણાવ્યું કે એકનાથ શિંદેએ સીએમ પદની કમાન ભાજપને સોંપી હોવા છતાં તેઓ ફડણવીસના નેતૃત્વમાં ડેપ્યુટી સીએમ પદ પર કામ કરવા તૈયાર નથી. જોકે, ઘણી સમજાવટ બાદ શિંદે ડેપ્યુટી સીએમ તરીકે કામ કરવા માટે રાજી થયા છે. આ પહેલા અઢી વર્ષ સુધી શિંદેના નેતૃત્વમાં મહાયુતિ સરકાર ચાલી હતી. જેમાં ફનાવીસ અને અજિત પવાર ડેપ્યુટી સીએમ હતા.
