નવા વર્ષ નિમિત્તે દેશમાં લાગુ કરવામાં આવી રહ્યા છે આ ફેરફારો, આજથી બદલ્યા FDના નિયમો.

UPI પે મર્યાદા વધી

જે યુઝર્સ સ્માર્ટફોનનો ઉપયોગ કરતા નથી તેઓ તેમના બેંક એકાઉન્ટમાંથી તેમના બેઝિક અથવા ફીચર ફોનમાંથી પણ પૈસા ટ્રાન્સફર કરી શકે છે. અગાઉ તેની મર્યાદા પાંચ હજાર રૂપિયા હતી. 1 જાન્યુઆરીથી તે વધારીને 10 હજાર રૂપિયા કરવામાં આવી છે. હવે લોકો મોટી રકમની લેવડદેવડ કરી શકશે.

ખેડૂતોને વધુ લોન મળશે

1 જાન્યુઆરીથી ખેડૂતો હવે ગેરંટી વિના 2 લાખ રૂપિયા સુધીની લોન મેળવી શકશે. આરબીઆઈએ તાજેતરમાં જ આ અંગે જાહેરાત કરી હતી. કેન્દ્રીય બેંકે કહ્યું હતું કે ખેડૂતોને આપવામાં આવતી લોનની મર્યાદા 1.60 લાખ રૂપિયાથી વધારીને 2 લાખ રૂપિયા કરવામાં આવી રહી છે.

કારના ભાવ વધશે

1 જાન્યુઆરીથી કાર ખરીદવી મોંઘી થશે. મારુતિ સુઝુકી, હ્યુન્ડાઈ, મહિન્દ્રા, હોન્ડા, BMW વગેરેએ ત્રણ ટકા ભાવ વધારવાની જાહેરાત કરી છે.

એફડીના નિયમો પણ બદલાશે

જો તમે રોકાણ માટે ફિક્સ્ડ ડિપોઝિટ (FD) ને મહત્વ આપો છો, તો 1 જાન્યુઆરીથી તેમાં કેટલાક ફેરફારો થવાના છે. RBIએ NBFC માટે FD સંબંધિત નિયમોમાં ફેરફાર કર્યો છે. આ ફેરફારો મેચ્યોરિટી પહેલા FDમાં જમા કરવામાં આવેલી રકમ ઉપાડવા સાથે સંબંધિત છે.

એમેઝોન પ્રાઇમ મેમ્બરશિપમાં મર્યાદા નક્કી કરવામાં આવી છે

1 જાન્યુઆરીથી એમેઝોન પ્રાઇમની મેમ્બરશિપમાં પણ ફેરફાર થઈ રહ્યા છે. હવે તમે એક પ્રાઇમ એકાઉન્ટમાંથી માત્ર બે ટીવી પર પ્રાઇમ વીડિયો જોઈ શકશો. જો તમે તે એકાઉન્ટમાંથી ત્રીજા ટીવી પર પ્રાઇમ વીડિયો જોવા માંગો છો, તો તમારે તેના માટે અલગ સબસ્ક્રિપ્શન લેવું પડશે. અગાઉ, એક પ્રાઇમ એકાઉન્ટમાંથી પાંચ જેટલા ઉપકરણો (ટીવી અથવા સ્માર્ટફોન) પર વીડિયો જોઈ શકાતા હતા.

RuPay ક્રેડિટ કાર્ડનો ઉપયોગ

1 જાન્યુઆરીથી RuPay ક્રેડિટ કાર્ડ સંબંધિત કેટલાક નિયમો પણ બદલાઈ રહ્યા છે. નેશનલ પેમેન્ટ કોર્પોરેશન ઓફ ઈન્ડિયા (NPCI) એ આ માટે માર્ગદર્શિકા જાહેર કરી છે. નવા નિયમો હેઠળ, દરેક Rupay ક્રેડિટ કાર્ડ યુઝર એરપોર્ટ પર લાઉન્જને ઍક્સેસ કરી શકશે નહીં. આ સુવિધા ક્રેડિટ કાર્ડ દ્વારા ખર્ચવામાં આવેલી રકમના આધારે ઉપલબ્ધ થશે.