આમ આદમી પાર્ટી (AAP)ના રાષ્ટ્રીય સંયોજક અરવિંદ કેજરીવાલે ગુરુવારે દિલ્હીની મહિલાઓ માટે મોટી જાહેરાત કરી છે. દિલ્હીમાં સરકાર બન્યા બાદ તેમણે જાહેરાત કરી હતી કે મહિલાઓને દર મહિને 2100 રૂપિયા આપવામાં આવશે. તેને મુખ્યમંત્રી મહિલા સન્માન યોજના નામ આપવામાં આવ્યું છે. તમને જણાવી દઈએ કે, લોકસભા ચૂંટણી પહેલા કેજરીવાલે મહિલાઓને દર મહિને 1000 રૂપિયા આપવાની વાત કરી હતી, પરંતુ હવે આ રકમ વધારી દેવામાં આવી છે.
કેજરીવાલે પ્રેસ કોન્ફરન્સમાં કહ્યું કે દર મહિને 2100 રૂપિયા આપવાની જાહેરાત મોંઘવારીને ધ્યાનમાં રાખીને કરવામાં આવી છે. કેજરીવાલે કહ્યું કે ઘણી મહિલાઓએ મોંઘવારીને કારણે 1000 રૂપિયાની રકમને ઘણી ઓછી ગણાવી હતી. તેમણે કહ્યું કે જે રીતે મોંઘવારી વધી રહી છે તેને જોતા 1000 રૂપિયાની રકમ અપૂરતી છે. તેથી સરકારે તેને વધારીને 2100 રૂપિયા કરવાનો નિર્ણય કર્યો છે.
શુક્રવારથી રજીસ્ટ્રેશન શરૂ થશે
અરવિંદ કેજરીવાલે કહ્યું કે શુક્રવારથી મુખ્યમંત્રી મહિલા સન્માન યોજના હેઠળ રજીસ્ટ્રેશન શરૂ થશે. આ માટે આમ આદમી પાર્ટીના કાર્યકરો ડોર ટુ ડોર રજીસ્ટ્રેશન શરૂ કરશે. આ અંતર્ગત મહિલાઓને એક કાર્ડ આપવામાં આવશે, જે તેમણે સુરક્ષિત રીતે રાખવાનું રહેશે. જ્યારે ચૂંટણી પૂરી થશે ત્યારે આ કાર્ડ દ્વારા તેમના ખાતામાં 2100 રૂપિયા આવવાનું શરૂ થઈ જશે.
આ યોજના માટે પાત્ર હશે
જે મહિલાઓ કરદાતા નથી
જેઓને કોઈ સરકારી યોજના હેઠળ પેન્શન નથી મળતું
મહિલાની ઉંમર 18 વર્ષથી વધુ હોવી જોઈએ
દિલ્હીનું વોટર આઈડી કાર્ડ અને આધાર કાર્ડ હોવું જરૂરી છે.
સરકારી કર્મચારીઓને યોજનાનો લાભ નહીં મળે
વાર્ષિક આવક રૂ. 3 લાખથી વધુ ન હોવી જોઈએ
જરૂરી દસ્તાવેજો
ઓળખ પ્રમાણપત્ર – મતદાર આઈડી, આધાર કાર્ડ,
રહેઠાણ પ્રમાણપત્ર,
આવક પ્રમાણપત્ર
એફિડેવિટ
ક્યાં નોંધણી કરવી
જો તમે ઉપરોક્ત ઉલ્લેખિત પાત્રતાને પૂર્ણ કરો છો, તો તમે https://mukhyamantrimahilasaman.in/ અથવા https://delhi.gov.in પર જઈને નોંધણી કરાવી શકો છો. આ લિંક શુક્રવારથી ખુલી જશે.
