‘મેં ઝૂકેગા નહીં સાલા…’ પુષ્પા ફિલ્મનો ફેમસ ડાયલોગ લોકોના મનમાં એવી રીતે વસી ગયો છે કે લોકો તેને બોલતા ક્યારેય કંટાળતા નથી. હાલમાં જ મેલબોર્ન ટેસ્ટ મેચમાં ભારતીય ટીમના યુવા બેટ્સમેન નીતિશ કુમાર રેડ્ડીએ પણ પોતાની ટેસ્ટ કારકિર્દીની પ્રથમ ફિફ્ટી ફટકાર્યા બાદ કંઈક આવું જ કર્યું હતું.
તેનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં નીતિશ રેડ્ડી ‘પુષ્પા’ સ્ટાઈલમાં પોતાના બેટ સાથે ઉજવણી કરતા જોવા મળે છે. તેનો આ વીડિયો તેના ફેન્સનું દિલ જીતી રહ્યો છે.
નીતિશ કુમાર રેડ્ડીએ ‘પુષ્પા’ સ્ટાઈલમાં અડધી સદી ફટકારીને ઉજવણી કરી હતી
ખરેખર, નીતિશ કુમાર રેડ્ડીએ મેલબોર્નમાં પોતાની ટેસ્ટ કારકિર્દીની પ્રથમ અડધી સદી ફટકારી હતી. પ્રથમ ફિફ્ટી ફટકાર્યા બાદ તેણે પુષ્પા ફિલ્મના સુપરસ્ટાર અલ્લુ અર્જુનની સ્ટાઈલમાં ઉજવણી કરી, જેનો વીડિયો વાયરલ થઈ રહ્યો છે. નીતિશે પચાસ રન બનાવ્યા કે તરત જ તેણે પુષ્પા સ્ટાઈલમાં બેટ વડે ઉજવણી કરી. તેની સ્ટાઈલ જોઈને ફેન્સ ખુશ થઈ ગયા.
ફિલ્મમાં અલ્લુનો ડાયલોગ છે ‘ફૂલ નહીં, આગ હૈ મેં’. નીતિશે પણ પોતાને ‘ફાયર’ સાબિત કર્યા અને સુંદર સાથે મળીને પોતાની બેટિંગથી ફરી એકવાર ભારતને ફોલોઓનથી બચાવ્યું.
રેડ્ડીએ 80 બોલનો સામનો કર્યો અને તેના 50 રન પૂરા કર્યા, જેમાં એક છગ્ગો અને 4 ચોગ્ગા સામેલ હતા. આ ટેસ્ટ સિરીઝ દરમિયાન ડેબ્યૂ કરનાર નીતિશે સાબિત કરી દીધું કે તે આવનારા સમયમાં ભારતના સર્વશ્રેષ્ઠ ઓલરાઉન્ડર તરીકે પોતાની ઓળખ બનાવવા માટે તૈયાર છે.
ભારતનો ફોલોઓનનો ખતરો ટળી ગયો
ભારતીય ટીમ માટે નીતિશ કુમાર રેડ્ડી અને વોશિંગ્ટન સુંદરની જોડી ક્રિઝ પર છે. તેઓએ સાથે મળીને ભારતને ફોલોઓનથી બચાવ્યું. સમાચાર લખાય છે ત્યાં સુધી બંને વચ્ચે 78 રનની ભાગીદારી થઈ છે. સુંદર (33) અને નીતીશ (67) રન પર બેટિંગ કરી રહ્યા છે.
