આ કારનામું કરનાર બન્યો દુનિયાના પ્રથમ બેટ્સમેન.આયુષ મ્હાત્રેએ ૧૮ વર્ષની ઉંમરે તોડ્યો રોહિત શર્માનો વર્લ્ડ રેકોર્ડ.મુંબઈના આયુષ મ્હાત્રેએ સૈયદ મુશ્તાક અલી ટ્રોફીમાં વિદર્ભ સામે ૪૯ બોલમાં આક્રમક સદી ફટકારી.મુંબઈના આયુષ મ્હાત્રેએ તે સમયે ઇતિહાસ રચ્યો જ્યારે તેમણે સૈયદ મુશ્તાક અલી ટ્રોફીમાં વિદર્ભ સામે ૪૯ બોલમાં આક્રમક સદી ફટકારી. તેઓ પ્રોફેશનલ ક્રિકેટના ત્રણેય ફોર્મેટ ફર્સ્ટ-ક્લાસ, લિસ્ટ છ અને T૨૦માં સદી ફટકારનાર સૌથી યુવા ખેલાડી બની ગયો છે. આ મામલામાં તેમણે ટીમ ઈન્ડિયાના પૂર્વ કેપ્ટન રોહિત શર્માનો રેકોર્ડ તોડ્યો છે. આયુષ મ્હાત્રે પહેલાં આ રેકોર્ડ ‘હિટમેન‘ના નામે નોંધાયેલો હતો, તેમણે ૧૯ વર્ષ અને ૩૩૯ દિવસની ઉંમરે આ સિદ્ધિ હાંસલ કરી હતી.
ઉલ્લેખનીય છે કે, શુક્રવારે લખનઉના એકાના સ્ટેડિયમમાં રમાયેલી આ મેચમાં મ્હાત્રે ૫૩ બોલમાં ૧૧૦ રન બનાવીને અણનમ રહ્યો, જેના કારણે મુંબઈએ સાત વિકેટે જીત હાંસલ કરી. આયુષ મ્હાત્રે અને રોહિત પછી ઉન્મુક્ત ચંદ ૨૦ વર્ષની ઉંમરે આ સિદ્ધિ હાંસલ કરનાર ત્રીજા ખેલાડી છે.
ત્રણેય ફોર્મેટમાં સદી ફટકારનાર સૌથી યુવા બેટ્સમેન
૧. આયુષ મ્હાત્રે -૧૮ વર્ષ ૧૩૫ દિવસ
૨. રોહિત શર્મા -૧૯ વર્ષ ૩૩૯ દિવસ
૩. ઉન્મુક્ત ચંદ – ૨૦ વર્ષ ૦ દિવસ
૪. ક્વિન્ટન ડી કોક – ૨૦ વર્ષ ૬૨ દિવસ
૫. અહેમદ શહઝાદ – ૨૦ વર્ષ ૯૭ દિવસ
મેચની વાત કરીએ તો, મુંબઈએ આયુષ મ્હાત્રેની તોફાની સદીની મદદથી ૧૯૩ રનનો ટાર્ગેટને સરળતાથી હાંસલ કરી લીધો. તેમણે પોતાની આ તોફાની ઇનિંગ્સમાં ૮ ચોગ્ગા અને ૭ ગગનચુંબી છગ્ગા ફટકાર્યા.
આયુષ મ્હાત્રેને આ દરમિયાન શિવમ દુબેનો જાેરદાર સાથ મળ્યો, જેમણે માત્ર ૧૯ બોલમાં ૩૯ રનની ધમાકેદાર ઇનિંગ્સ રમી, જેમાં ત્રણ છગ્ગા અને ૩ ચોગ્ગા સામેલ હતા.આ પહેલાં, વિદર્ભે બેટિંગ કરતા ૨૦ ઓવરમાં ૯ વિકેટના નુકસાન પર ૧૯૨ રન બનાવ્યા હતા. તેમની ઇનિંગ્સમાં અથર્વ તાયડે અને અમન મોખાડેએ અર્ધસદી ફટકારી હતી.
આયુષ મ્હાત્રે આ વર્ષે ખૂબ જ સારા ફોર્મમાં છે. મ્હાત્રે ઈન્ડિયા U૧૯ ટીમ અને ચેન્નાઈ સુપર કિંગ્સ (CSK) બન્ને માટે એક સારો સંકેત છે. ખાસ વાત એ છે કે, BCCI એ શુક્રવારે એશિયન ક્રિકેટ કાઉન્સિલ (ACC) એશિયા કપ માટે ેં૧૯ ટીમની જાહેરાત કરી છે. આ ટૂર્નામેન્ટ માટે પસંદ કરાયેલી ૧૫ સભ્યોની ટીમમાં મ્હાત્રેને ઈન્ડિયાના ેં૧૯ કેપ્ટન બનાવવામાં આવ્યો છે. CSK એ તેમને ઈન્ડિયન પ્રીમિયર લીગ (IPL)ની આગામી સિઝન માટે પણ રિટેન કર્યો છે.
