T20 World Cup 2024: ઇંગ્લેન્ડે વરસાદથી પ્રભાવિત મેચમાં નામિબિયાને 41 રને હરાવીને સુપર-8 માટે પોતાની આશા જીવંત રાખી હતી. મેચ જીત્યા બાદ ઈંગ્લેન્ડના 5 પોઈન્ટ થઈ ગયા છે. વરસાદના કારણે મેચ 10-10 ઓવરની કરવામાં આવી હતી. પ્રથમ બેટિંગ કરતા ઈંગ્લેન્ડે 10 ઓવરમાં 122 રન બનાવ્યા હતા. આ પછી નામિબિયાની ટીમ માત્ર 84 રન બનાવી શકી હતી. આ મેચમાં નામિબિયાનો સ્ટાર બેટ્સમેન નિકોલસ ડેવિન નિવૃત્ત થયો હતો.
નામિબિયાનો બેટ્સમેન છઠ્ઠી ઓવરમાં નિવૃત્ત થયો હતો
10 ઓવરમાં મોટા ટાર્ગેટનો પીછો કરી રહેલી નામિબિયાની ટીમને માઈકલ લિંગને સારી શરૂઆત અપાવી હતી. બીજી તરફ નિકોલસ ડેવલિન સારી બેટિંગ કરી રહ્યો ન હતો. છઠ્ઠી ઓવરમાં નિકોલસ ડેવલિન 16 બોલમાં 18 રન બનાવીને બેટિંગ કરી રહ્યો હતો. ત્યારબાદ તે મેચમાં નિવૃત્ત થયો હતો. તેની જગ્યાએ ડેવિડ વીસ બેટિંગ કરવા આવ્યો હતો. T20 વર્લ્ડ કપના ઈતિહાસમાં પ્રથમ વખત કોઈ ખેલાડીને નિવૃત્તિ આપવામાં આવી છે. નિવૃત્ત થતા પહેલા, બેટ્સમેન અમ્પાયરને કહે છે કે તે ક્રીઝ છોડી રહ્યો છે.
MCC કાયદા 25.4.3 મુજબ, જો કોઈ બેટ્સમેન 25.4.2 (બીમારી, ઈજા અથવા અન્ય કોઈ અનિવાર્ય કારણ) સિવાયના કોઈપણ કારણોસર મેદાન છોડી દે, તો ખેલાડી ફક્ત બેટિંગ કરવા માટે પાછો આવી શકે છે. જ્યારે વિરોધી કેપ્ટન તેને મંજૂરી આપે છે. જો કોઈપણ કારણોસર તેની ઈનિંગ્સ ફરી શરૂ નહીં થાય તો બેટ્સમેનને ‘રિટાયર આઉટ’ તરીકે રેકોર્ડ કરવામાં આવશે. બીજી તરફ, જ્યારે કોઈ ખેલાડીને અમ્પાયર દ્વારા રિટાયર્ડ હર્ટ તરીકે ચિહ્નિત કરવામાં આવે છે, ત્યારે તે ફરીથી બેટિંગમાં આવી શકે છે, આમાં તેને વિરોધી કેપ્ટનની સંમતિની જરૂર નથી.
ઈંગ્લેન્ડે જીત નોંધાવી
ઈંગ્લેન્ડ સામેની મેચમાં નામિબિયાના કેપ્ટન ગેરહાર્ડ ઈરાસ્મસે ટોસ જીતીને પ્રથમ બોલિંગ કરવાનો નિર્ણય લીધો હતો. હેરી બ્રુક અને જોની બેયરસ્ટોએ ઈંગ્લેન્ડ તરફથી શાનદાર પ્રદર્શન કર્યું હતું. આ ખેલાડીઓના કારણે જ ઈંગ્લેન્ડની ટીમ 10 મેચમાં 100થી વધુ રન બનાવી શકી હતી. બેયરસ્ટોએ 31 રન અને બ્રુકે 47 રનનું યોગદાન આપ્યું હતું. બીજી તરફ નામિબિયાની ટીમ 10 ઓવરમાં 84 રન બનાવી શકી હતી. નામિબિયા તરફથી ડેવિડ વિઝે સૌથી વધુ 27 રન બનાવ્યા હતા.
