West Indies Cricket Team : બીજી ટેસ્ટ મેચ ઈંગ્લેન્ડ અને વેસ્ટ ઈન્ડિઝ વચ્ચે રમાઈ રહી છે. આ મેચમાં ઈંગ્લેન્ડની ટીમે પ્રથમ બેટિંગ કરતા કુલ 416 રન બનાવ્યા હતા જેના જવાબમાં વેસ્ટ ઈન્ડિઝે 457 રન બનાવ્યા હતા. જેના કારણે વેસ્ટ ઈન્ડિઝની ટીમને 41 રનની લીડ મળી હતી. વેસ્ટ ઈન્ડિઝ માટે નીચલા ક્રમના બેટ્સમેનોએ સારું પ્રદર્શન કર્યું હતું. જેના કારણે ટીમ લીડ મેળવવામાં સફળ રહી હતી.
10મી વિકેટ માટે મોટી ભાગીદારી કરીને રેકોર્ડ બનાવ્યો
વેસ્ટ ઈન્ડિઝ માટે જોશુઆ ડી સિલ્વા અને શમર જોસેફે 10મી વિકેટ માટે 71 રનની ભાગીદારી કરી હતી. ટેસ્ટ ક્રિકેટમાં ઈંગ્લેન્ડ સામે વેસ્ટ ઈન્ડિઝ દ્વારા 10મી વિકેટ માટે આ બીજી સૌથી મોટી ભાગીદારી છે. આ સિવાય ટેસ્ટ ક્રિકેટમાં વેસ્ટ ઈન્ડિઝ દ્વારા 10મી વિકેટ માટે આ 5મી સૌથી મોટી ભાગીદારી છે. 10 વર્ષ પછી આ પ્રથમ વખત છે જ્યારે વેસ્ટ ઈન્ડિઝે ટેસ્ટ ક્રિકેટમાં 450 પ્લસનો સ્કોર પાર કર્યો છે. વેસ્ટ ઈન્ડિઝે 2014માં કેન્સિંગ્ટન ઓવલમાં બાંગ્લાદેશ સામે આ સ્કોર પાર કર્યો હતો.
કેવેમ હોજે સદી ફટકારી હતી
ઈંગ્લેન્ડના 416 રનના જવાબમાં વેસ્ટ ઈન્ડિઝની ટીમ 84 રનમાં ત્રણ વિકેટ ગુમાવી મુશ્કેલીમાં મુકાઈ ગઈ હતી, પરંતુ એલેક અથાનાસે અને ક્વેમ હોજની 175 રનની ભાગીદારીએ ટીમને મુશ્કેલીમાંથી બહાર કાઢી હતી. આ ઇનિંગની મોટી સિદ્ધિ હોજની સદી હતી, જેણે 171 બોલમાં 120 રન બનાવ્યા હતા. આ પછી જેસન હોલ્ડર વહેલો આઉટ થયો હતો. અલ્ઝારી જોસેફને ક્રિસ વોક્સે આઉટ કર્યો હતો.
જોશુઆ ડી સિલ્વાએ શાનદાર ઇનિંગ રમી હતી
જોશુઆ ડી સિલ્વાએ શાનદાર ઇનિંગ રમી હતી. તેણે ઘણા શાનદાર શોટ રમ્યા અને સ્ટાઇલમાં પોતાની અડધી સદી પૂરી કરી. નંબર-11 બેટ્સમેન શમર જોસેફે પણ જોરદાર ઇનિંગ રમી હતી. જોશુઆએ 122 બોલમાં 82 રનની ઇનિંગ રમી અને અંત સુધી અણનમ રહ્યો. શમર જોસેફે 27 બોલમાં ઝડપી 33 રન બનાવ્યા હતા. વોક્સ ચાર વિકેટ સાથે સૌથી સફળ બોલર હતો, જ્યારે વુડે પણ શાનદાર બોલિંગ કરી હતી.
