રામ મંદિરના મુખ્ય પૂજારી મહંત સત્યેન્દ્ર દાસનું નિધન થયું છે. તેઓ લાંબા સમયથી બીમાર હતા અને હોસ્પિટલમાં સારવાર હેઠળ હતા. સારવાર દરમિયાન, સત્યેન્દ્ર દાસને લખનૌના પીજીઆઈમાં દાખલ કરવામાં આવ્યા હતા. મગજમાં હેમરેજ થયા બાદ, તેમની લખનૌના પીજીઆઈમાં સારવાર ચાલી રહી હતી. ૩ ફેબ્રુઆરીએ બ્રેઈન સ્ટ્રોક આવ્યા બાદ તેમને હોસ્પિટલમાં દાખલ કરવામાં આવ્યા હતા.
મહંત સત્યેન્દ્ર દાસ રામ મંદિરના સૌથી લાંબા સમય સુધી સેવા આપનારા મુખ્ય પુજારી રહ્યા છે અને તેઓ 20 વર્ષની ઉંમરથી મુખ્ય પુજારી તરીકે સેવા આપી રહ્યા છે. ૬ ડિસેમ્બર ૧૯૯૨ના રોજ જ્યારે અયોધ્યામાં બાબરી મસ્જિદ તોડી પાડવામાં આવી ત્યારે મહંત સત્યેન્દ્ર દાસ રામ મંદિરના પૂજારી હતા.
ઉત્તર પ્રદેશના મુખ્યમંત્રી યોગી આદિત્યનાથે રામ જન્મભૂમિ મંદિરના મુખ્ય પૂજારી મહંત સત્યેન્દ્ર દાસના સ્વાસ્થ્યની પૂછપરછ કરવા માટે લખનૌમાં સંજય ગાંધી પોસ્ટ ગ્રેજ્યુએટ ઇન્સ્ટિટ્યૂટ ઓફ મેડિકલ સાયન્સ (SGPGI) ની મુલાકાત લીધી હતી.
સીએમ યોગીએ દુઃખ વ્યક્ત કર્યું
સત્યેન્દ્ર દાસને પહેલા અયોધ્યા સિટી ન્યુરો કેર હોસ્પિટલમાં દાખલ કરવામાં આવ્યા હતા. તેમની તબિયત વધુ બગડ્યા બાદ, તેમને લખનઉ પીજીઆઈ રિફર કરવામાં આવ્યા. અહીં તેમની સારવાર ચાલી રહી હતી પરંતુ તેમની હાલત ખૂબ જ ગંભીર હતી. અયોધ્યાની સિટી ન્યુરો કેર હોસ્પિટલના એક ડૉક્ટરે જણાવ્યું હતું કે આચાર્ય સત્યેન્દ્ર દાસના સીટી સ્કેનથી તેમના મગજમાં ઘણી જગ્યાએ લોહી ગંઠાવાનું બહાર આવ્યું છે.
