મણિપુર હિંસા પર ખડગેએ ચિદમ્બરમની પોસ્ટ કેમ હટાવી ?આ બાબતે રાષ્ટ્રપતિને લખ્યો પત્ર

મણિપુર સંકટ માટે ચિદમ્બરમ જવાબદારઃ બિરેન સિંહ

મણિપુરના મુખ્યમંત્રી એન. બિરેન સિંહે ચિદમ્બરમ પર વળતો પ્રહાર કરતા કહ્યું કે રાજ્યમાં વર્તમાન સંકટનું મૂળ કારણ ચિદમ્બરમ છે. તેમણે કહ્યું કે, કોંગ્રેસ સરકાર દરમિયાન નેતાઓની ઉપેક્ષાને કારણે અમને કેટલીક સમસ્યાઓનો સામનો કરવો પડી રહ્યો છે. ચિદમ્બરમ હાલના સંકટનું મૂળ છે.

ચિદમ્બરમને નોર્થ ઈસ્ટના લોકોની પરવા નથી

જ્યારે ચિદમ્બરમ તત્કાલીન કોંગ્રેસ સરકારમાં ગૃહમંત્રી હતા અને ઓકરામ ઈબોબી સિંહ મણિપુરના સીએમ હતા ત્યારે તેઓ મ્યાનમારના નાગરિક થંગલિયાનપાઉ ગુઈટને લઈને આવ્યા હતા. તે જોમેઈ રી-યુનિફિકેશન આર્મીના અધ્યક્ષ હતા, જે મ્યાનમારમાં પ્રતિબંધિત છે. મણિપુરના સીએમએ કહ્યું, ચિદમ્બરમે ક્યારેય પૂર્વોત્તરના લોકોની ચિંતા કરી નથી.

રાજ્યમાં આ સંકટ મ્યાનમારથી આવેલા ઘૂસણખોરોને કારણે છે. ઘૂસણખોરો મણિપુર અને ઉત્તર-પૂર્વના વતનીઓ પર વર્ચસ્વ જમાવવાનો પ્રયાસ કરે છે. મણિપુરમાં સમસ્યાનું મૂળ કોંગ્રેસ છે. તેઓ તેનાથી આસાનીથી દૂર રહી શકતા નથી.

ખડગેએ મણિપુરની સ્થિતિ પર રાષ્ટ્રપતિને પત્ર લખ્યો હતો

કોંગ્રેસ અધ્યક્ષ ખડગેએ મંગળવારે મણિપુરની સ્થિતિ પર રાષ્ટ્રપતિ દ્રૌપદી મુર્મુને પત્ર લખ્યો હતો. રાજ્યના લોકો શાંતિથી જીવી શકે તે માટે તેમણે રાષ્ટ્રપતિના હસ્તક્ષેપની માંગ કરી હતી. પત્રમાં ખડગેએ આક્ષેપ કર્યો હતો કે કેન્દ્ર અને મણિપુરની રાજ્ય સરકારો છેલ્લા 18 મહિનામાં રાજ્યમાં શાંતિ અને સામાન્ય સ્થિતિને પુનઃસ્થાપિત કરવામાં સંપૂર્ણપણે નિષ્ફળ રહી છે.