નાણામંત્રી નિર્મલા સીતારમણે આજે સંસદમાં નાણાકીય વર્ષ 2024-25નું વચગાળાનું બજેટ રજૂ કર્યું હતું. આ દરમિયાન, તેમણે આરોગ્ય વિભાગમાં એક મોટી જાહેરાત કરી અને કહ્યું કે સરકાર સર્વાઇકલ કેન્સરની રોકથામ માટે રસીકરણ લાવશે. આ અભિયાન મિશન ‘ઇન્દ્રધનુષ’ હેઠળ શરૂ કરવામાં આવશે.
નિર્મલા સીતારમણે સંસદમાં કહ્યું, ‘અમારી સરકાર સર્વાઇકલ કેન્સરને રોકવા માટે 9 થી 14 વર્ષની છોકરીઓને રસીકરણને પ્રોત્સાહિત કરશે. લોકસભામાં વચગાળાનું બજેટ 2024 રજૂ કરતાં સીતારમણે કહ્યું કે ઘણા યુવાનો ડોક્ટર બનવાની મહત્વાકાંક્ષી છે.
આંગણવાડી કેન્દ્રોના અપગ્રેડેશનની કામગીરી ઝડપી કરવામાં આવશે
સીતારમને કહ્યું, ‘માતૃત્વ બાળ સંભાળ માટેની વિવિધ યોજનાઓને વ્યાપક કાર્યક્રમ હેઠળ લાવવામાં આવશે. આંગણવાડીઓને બહેતર પોષણ વિતરણ, પ્રારંભિક બાળપણની સંભાળ અને વિકાસ માટે સક્ષમ બનાવવા અને પોષણ 2.0 હેઠળ આંગણવાડી કેન્દ્રોના અપગ્રેડેશનને ઝડપી બનાવવામાં આવશે.
સીતારમણે કહ્યું, ‘અમારી સરકાર વિવિધ વિભાગો હેઠળના હાલના હોસ્પિટલ ઈન્ફ્રાસ્ટ્રક્ચરનો ઉપયોગ કરીને વધુ મેડિકલ કોલેજો સ્થાપવાની યોજના બનાવી રહી છે. આ હેતુ માટે, મુદ્દાઓની તપાસ કરવા અને સંબંધિત ભલામણો કરવા માટે એક સમિતિની રચના કરવામાં આવશે.
