‘ફિશિંગ એટેક’થી બચવા સુપ્રીમ કોર્ટે આપી ચેતવણી, નકલી વેબસાઈટની બહાર પાડી યાદી

સુપ્રીમ કોર્ટની નકલી વેબસાઈટ પરથી યુપીના દસ આઈએએસ અધિકારીઓને એક મેઈલ મોકલવામાં આવ્યો હતો, જેમાં તેમને આ કેસમાં હાજર થવાનો નિર્દેશ આપવામાં આવ્યો હતો. કોર્ટે સંજ્ઞાન લીધું છે અને જાહેર નોટિસ જારી કરીને કહ્યું છે કે સુપ્રીમ કોર્ટના નામે એક ડઝનથી વધુ નકલી વેબસાઇટ્સ છે જે લોકો પાસેથી તેમની અંગત માહિતી માંગી રહી છે. કોર્ટ દ્વારા જારી કરવામાં આવેલી નોટિસમાં લોકોને ચેતવણી આપવામાં આવી છે કે તેઓ તેમની કોઈ પણ મહત્વપૂર્ણ ગોપનીય અને નાણાકીય માહિતી આવી વેબસાઈટ પર શેર ન કરે.

સુપ્રીમ કોર્ટ આવી કોઈ માહિતી કોઈની પાસેથી માંગતી નથી. આવી કોઈ છેતરપિંડીનો ભોગ બનવાના કિસ્સામાં, કોર્ટે સલાહ આપી છે કે પીડિતાએ તમામ ઑનલાઇન એકાઉન્ટ્સ માટે તેમના પાસવર્ડ બદલવા જોઈએ અને કોઈપણ અનધિકૃત વ્યવહારોની જાણ કરવા માટે તરત જ તેમની બેંક, ક્રેડિટ કાર્ડ કંપનીનો સંપર્ક કરવો જોઈએ. કોર્ટે તપાસ એજન્સીઓને આ નકલી વેબસાઈટ્સ અંગે માહિતી આપી છે.

સુપ્રીમ કોર્ટના રજિસ્ટ્રાર દ્વારા જારી કરવામાં આવેલી નોટિસમાં કહેવામાં આવ્યું છે કે સુપ્રીમ કોર્ટની સત્તાવાર વેબસાઇટ www.sci.gov.in છે, કોર્ટની વેબસાઇટ પર ક્લિક કરતા પહેલા ખાતરી કરો કે તમે સાચી વેબસાઇટ પર ક્લિક કરી રહ્યાં છો. માત્ર નોટિસમાં સુપ્રીમ કોર્ટના નામે બનાવાયેલી ફેક વેબસાઈટના URLની યાદી પણ જારી કરવામાં આવી છે.

પ્રીમ કોર્ટે નકલી વેબસાઈટ્સની યાદી જાહેર કરી છે.

• www.scigoin.com
• www.scicbiovven.com
• www.scigoinvon.com
• www.judiciarycheck.in
• www.scis.scigovss.net
• www.slcmain.in
• www.judicialsearchinia.com
• www.sclm.in
• www.scin.in
• www.scibovven.com
• www.cbisciingov.com
• www.govt.judicialauthority.com
• www.thescoi.com
• www.sclcase.com
• www.lx-yindu.top

6 જાન્યુઆરીએ પીઆઈએલની સુનાવણી દરમિયાન, યુપીના એડિશનલ એડવોકેટ જનરલ ગરિમા પ્રસાદે જસ્ટિસ હૃષિકેશ રોયની આગેવાની હેઠળની બેંચને માહિતી આપી હતી કે રાજ્યના લગભગ 10 આઈએએસ અધિકારીઓને કોર્ટની કાર્યવાહીમાં જોડાવા માટે ઈમેલ દ્વારા લિંક્સ મોકલવામાં આવી હતી. જ્યારે કોર્ટે આવો કોઈ આદેશ આપ્યો ન હતો. કોર્ટે આ ઘટનાની નોંધ લીધી હતી અને હૃષીકેશ રોયે કોર્ટ સ્ટાફને આ મુદ્દો રજિસ્ટ્રારના ધ્યાન પર લાવવા મૌખિક નિર્દેશ આપ્યો હતો.