નીરજ ચોપરા ડાયમંડ લીગમાં મચાવશે ધૂમ, પ્રથમ વખત આપશે ચેલેંજ

બે દિવસીય ડાયમંડ લીગની ફાઈનલ 13 અને 14 સપ્ટેમ્બરે યોજાશે. પુરુષોની 3000 મીટર સ્ટીપલચેસ 13 સપ્ટેમ્બરે યોજાશે, જ્યારે પુરુષોની ભાલા ફેંક સ્પર્ધા 14 સપ્ટેમ્બરે યોજાશે.

સેબલે 7 જુલાઈના રોજ ડાયમંડ લીગની પેરિસ હીટમાં 8:09.91 મિનિટના સમય સાથે છઠ્ઠા સ્થાને રહીને પોતાનો રાષ્ટ્રીય રેકોર્ડ સુધાર્યો હતો. 25 ઓગસ્ટના રોજ સિલેસિયા લેગમાં તે 14મો (8:29.96 મિનિટ) હતો.

સેબલ પુરૂષોની 3000 મીટર સ્ટીપલચેસમાં ઓલિમ્પિક ફાઇનલમાં પ્રવેશનાર પ્રથમ ભારતીય બન્યો પરંતુ તે તેના પ્રદર્શનથી પ્રભાવિત કરી શક્યો નહીં. પેરિસ ઓલિમ્પિકમાં તે 8:14.18 મિનિટના સમય સાથે 11મા ક્રમે રહ્યો હતો.

બે વખતના ઓલિમ્પિક ચંદ્રક વિજેતા ચોપરા ચોથા સ્થાને રહીને ડાયમંડ લીગ ફાઇનલમાં ક્વોલિફાય થયા હતા. ચોપરાએ દોહા અને લૌઝેનમાં યોજાયેલા દરેક લેગમાં બીજા સ્થાને રહીને 14 પોઈન્ટ મેળવ્યા હતા. દરેક ડાયમંડ લીગ સીઝનની ફાઈનલના ચેમ્પિયનને પ્રતિષ્ઠિત ‘ડાયમંડ ટ્રોફી’, $30,000 ની ઈનામી રકમ અને વર્લ્ડ એથ્લેટિક્સ ચેમ્પિયનશીપ માટે વાઈલ્ડ કાર્ડ આપવામાં આવે છે. રનર અપને $12,000 અને આઠમા સ્થાને રહેનારને $1,000 મળશે.

નીરજે કુલ 2 લીગ રમ્યા

લૌઝેન ડાયમંડ લીગ પછી, ફાઈનલ માટે છેલ્લા તબક્કાની મેચ 5 સપ્ટેમ્બરના રોજ ઝ્યુરિચમાં યોજાઈ હતી, જેમાં 26 વર્ષીય નીરજ રમ્યો ન હતો. એટલે કે એક રીતે નીરજ રમ્યા વિના પણ ફાઇનલમાં પહોંચી ગયો. નીરજ કુલ 2 લેગમાં રમ્યો.

ડાયમંડ લીગમાં પુરુષોની ભાલા ફેંક ઈવેન્ટ માટે 4 અલગ અલગ મીટ (લેગ મેચ) છે. આ ચાર છે દોહા, પેરિસ, લૌઝેન અને ઝ્યુરિચ. આ ચાર ઈવેન્ટ્સ પછી, ટેબલની દ્રષ્ટિએ ટોચના 6 ખેલાડીઓને ફાઇનલમાં સ્થાન મળે છે.

જ્યાં ડાયમંડ લીગમાં ચેમ્પિયન માટે નિર્ણાયક મેચ થવાની છે. નોંધનીય બાબત એ છે કે ડાયમંડ લીગમાં કોઈ મેડલ નથી જે દરેક લેગ મેચમાં ટોપ પર રહે છે તેને 8 પોઈન્ટ મળે છે. બીજા ખેલાડીને 7, ત્રીજા ખેલાડીને 6, ચોથા ખેલાડીને 5 અને તેથી ઉતરતા ક્રમમાં. દોહા પછી, નીરજ લોઝેન લીગમાં બીજા સ્થાને રહ્યો, જેના કારણે તેને 7-7 પોઈન્ટ મળ્યા.