ભારતીય ટીમમાંથી બહાર રહેલા ફાસ્ટ બોલર શાર્દુલ ઠાકુરે રણજી ટ્રોફીમાં મુંબઈ માટે શાનદાર બોલિંગ કરી છે. મુંબઈના શરદ પવાર ક્રિકેટ એકેડમી ગ્રાઉન્ડમાં શાર્દુલે શાનદાર બોલિંગ કરીને માત્ર 21 રન આપીને 6 વિકેટ ઝડપી હતી. તેની બોલિંગના કારણે આસામનો પ્રથમ દાવ માત્ર 84 રનમાં સમેટાઈ ગયો હતો. ઠાકુરે નવો બોલ હવામાં લહેરાવ્યો અને આનાથી આસામના બેટ્સમેનો માટે ઘણી સમસ્યાઓ ઊભી થઈ. તેણે પરવેઝ મુશરફ અને પછી ત્રીજા નંબરે આવેલા સુમિત ખાડીગાંવકરને સળંગ ઓવરમાં આઉટ કર્યા.
શાર્દુલે 250 વિકેટ પૂરી કરી
તેની ત્રીજી વિકેટ સાથે શાર્દુલ ઠાકુરે ફર્સ્ટ ક્લાસ ક્રિકેટમાં 250 વિકેટ પૂરી કરી. તેણે 79 મેચમાં આ સિદ્ધિ હાંસલ કરી હતી. શાર્દુલે આ ફોર્મેટમાં 14મી વખત ઇનિંગ્સમાં 5 વિકેટ લીધી છે.
ઠાકુરે ભારત માટે 11 ટેસ્ટ મેચ પણ રમી છે. તેણે 28.38ની એવરેજથી 31 વિકેટ લીધી છે. શાર્દુલે તેની છેલ્લી ટેસ્ટ મેચ ડિસેમ્બરમાં દક્ષિણ આફ્રિકાના પ્રવાસ દરમિયાન રમી હતી.
દક્ષિણ આફ્રિકામાં ઈજાગ્રસ્ત થયો હતો
શાર્દુલ ઠાકુર ભારતના દક્ષિણ આફ્રિકા પ્રવાસ દરમિયાન પગની ઘૂંટીની ઈજાને કારણે રણજી ટ્રોફીનો મોટો ભાગ ચૂકી ગયો હતો, પરંતુ તે ગયા અઠવાડિયે રાયપુરમાં છત્તીસગઢ સામે મુંબઈની આઉટિંગ દરમિયાન એક્શનમાં પાછો ફર્યો હતો. જોકે, પ્રથમ મેચમાં તેનું પ્રદર્શન કંઈ ખાસ રહ્યું ન હતું. પરંતુ બીજી મેચમાં 6 વિકેટ લઈને તેણે નોકઆઉટ મેચ પહેલા વિરોધી ટીમને ચેતવણી આપી દીધી છે.
