ચીની ફોટોગ્રાફરના ડ્રોન ફૂટેજમાં ગ્લેશિયર પતન કેપ્ચર નેપાળમાં પૂર આવ્યા પહેલાનો એક નવો વીડિયો સામે આવ્યો સદગુરુએ નેપાળના પ્રધાનમંત્રી આપત્તિ રાહત ભંડોળમાં ૧૦ મિલિયન રૂપિયાનું દાનની પણ જાહેરાત કરી નેપાળમાં આવેલા વિનાશક પૂર પહેલા બનેલી એક ઘટનાનો વીડિયો સામે આવ્યો છે, જેમાં ગ્લેશિયર તૂટી પડવાના સમગ્ર દ્રશ્યને કેદ કરવામાં આવ્યું છે. આ એક સંયોગ હતો કે એક ચીની ફોટોગ્રાફર ડ્રોન વડે લેંગટાંગ લિરુંગ પીકની આસપાસના કુદરતી દૃશ્યોને કેદ કરી રહ્યો હતો. ગ્લેશિયરનો એક મોટો ભાગ તૂટી ગયો અને પડવા લાગ્યો, અને ડ્રોનના કેમેરાએ આ ઘટના રેકોર્ડ કરી. આ ઘટના બુધવારે સમુદ્ર સપાટીથી લગભગ ૭,૨૦૦ મીટરની ઊંચાઈએ બની હતી. વીડિયોમાં લાંગટાંગ લિરુંગ શિખર પરથી બરફ અને ખડકોનો જાડો પડ પડતો દેખાય છે.આ પછી, બરફ, ખડકો, કાદવ અને કાટમાળનો મોટો જથ્થો ઝડપથી નીચે તરફ જતો જાેવા મળે છે. ગ્લેશિયર તૂટી પડ્યા પછી, કાટમાળનો આ પૂર ખૂબ જ ઝડપથી આગળ વધ્યો. આ અસરને કારણે નેપાળના ઘણા વિસ્તારોમાં વ્યાપક વિનાશ થયો હતો. વાયરલ વીડિયોમાં પર્વતો પરથી મોટા પ્રમાણમાં કાટમાળ પડી રહ્યો છે.આપત્તિઓનો સામનો કરવા માટે પાંચ રાષ્ટ્રોના હિમાલયન બોર્ડની રચના: સદગુરુપીટીઆઈ અનુસાર, નેપાળમાં આવેલી વિનાશક આપત્તિ વચ્ચે, આધ્યાત્મિક નેતા સદ્ગુરુ જગદીશ વાસુદેવે હિમાલય ક્ષેત્રમાં આપત્તિઓનો સામનો કરવા માટે શક્ય તેટલી વહેલી તકે પાંચ રાષ્ટ્રોનું સંયુક્ત હિમાલય બોર્ડ બનાવવાનું સૂચન કર્યું છે. તેમણે કહ્યું કે તેમાં ભારત, ચીન, નેપાળ, ભૂતાન અને પાકિસ્તાનનો સમાવેશ થવો જાેઈએ.નેપાળ સાથે એકતા વ્યક્ત કરવા માટે કાઠમંડુમાં આયોજિત એક કાર્યક્રમમાં બોલતા, સદગુરુએ કહ્યું કે હિમાલય પ્રદેશ કુદરતી આફતો માટે અત્યંત સંવેદનશીલ છે. તેથી, આ ક્ષેત્ર સાથે સંકળાયેલા દેશો વચ્ચે સહયોગ મજબૂત કરવાની જરૂર છે. તેમણે કહ્યું કે હિમાલય કિનારે આવેલા દેશોએ સાથે મળીને એક સંગઠન બનાવવું જાેઈએ જે આપત્તિના સમયે એકબીજાને મદદ કરી શકે.સદગુરુએ નેપાળના પ્રધાનમંત્રી આપત્તિ રાહત ભંડોળમાં ૧૦ મિલિયન રૂપિયાનું દાનની પણ જાહેરાત કરી. ઈશા ફાઉન્ડેશનના જણાવ્યા અનુસાર, બુધવારની વિનાશક આપત્તિ પછી ફાઉન્ડેશન સાથે સંકળાયેલા ૭૭ યાત્રાળુઓ ગુમ થયા છે. હાલમાં નેપાળમાં રહેલા ફાઉન્ડેશનના ત્રણ સ્વયંસેવકો પણ ગુમ થયાના અહેવાલ છે.
