Israel Attacks in Rafah : ‘બહુ મોટી ભૂલ થઇ ગઈ’ નેતન્યાહુએ રફાહ હવાઈ હુમલા પર દુઃખ વ્યક્ત કર્યું; 45 લોકોના મોત પર આ વાત કહી

અમે આ લશ્કરી કાર્યવાહી માટે ખેદ વ્યક્ત કરીએ છીએ: બેન્જામિન નેતન્યાહુ

ઘણા દેશોએ આ હુમલા પર ચિંતા વ્યક્ત કરી છે. એટલું જ નહીં ઈઝરાયેલના વડાપ્રધાન બેન્જામિન નેતન્યાહુએ આ ઘટના પર દુખ વ્યક્ત કર્યું હતું. તેણે આ હુમલા અંગે પોતાની ભૂલ સ્વીકારી છે. નેતન્યાહુએ કહ્યું કે સૈન્ય કાર્યવાહીનો હેતુ કોઈ માનવીને નુકસાન પહોંચાડવાનો નથી. આ હુમલાની તપાસ કરવામાં આવશે. તેમણે સંસદમાં એક ભાષણમાં કહ્યું કે દુર્ભાગ્યવશ આ હવાઈ હુમલામાં કેટલાક નાગરિકોના મોત થયા છે.

લોકોને બચવાની તક પણ મળી ન હતી.

રફાહમાં હાજર પ્રત્યક્ષદર્શીઓના જણાવ્યા અનુસાર, ઈઝરાયેલના હુમલાને કારણે શરણાર્થીઓના તંબુઓમાં આગ લાગી હતી અને તેમને બચવાનો સમય પણ ન મળ્યો અને તેઓ બળીને ખાખ થઈ ગયા.

હમાસે આ હુમલા માટે અમેરિકાને જવાબદાર ઠેરવ્યું હતું

હમાસના વરિષ્ઠ નેતા સામી અબુ ઝુહરીએ તેને પેલેસ્ટાઈનનો નરસંહાર ગણાવ્યો છે અને ઈઝરાયેલને શસ્ત્રો અને નાણાં પૂરા પાડતા અમેરિકા પર આરોપ લગાવ્યો છે. મોટી સંખ્યામાં નાગરિકોની હત્યા અને વિશ્વભરમાં હુમલાની નિંદા છતાં, સોમવારે રફાહમાં ઇઝરાયેલની સૈન્ય કાર્યવાહી ચાલુ રહી.

સોમવારે શહેરના પૂર્વ અને મધ્ય ભાગોમાં ઇઝરાયેલી ટેન્કોએ ગોળીબાર કર્યા બાદ આઠ લોકો માર્યા ગયા હતા. રફાહના પૂર્વમાં ઇઝરાયલી દળો અને હમાસના લડવૈયાઓ વચ્ચે બે અઠવાડિયાથી લડાઈ ચાલી રહી છે, પરંતુ રફાહ વિસ્તારમાં આ પહેલો લોહિયાળ હુમલો છે.

રફાહમાં યુરોપની કાર્યવાહી રોકવાની માંગ

ઈઝરાયેલના હુમલાની વિશ્વભરમાં નિંદા થઈ રહી છે. યુરોપિયન નેતાઓએ રફાહમાં સૈન્ય કાર્યવાહી રોકવાના આંતરરાષ્ટ્રીય અદાલતના નિર્ણયને તાત્કાલિક અમલમાં મૂકવાની જરૂરિયાત વ્યક્ત કરી છે. જર્મનીના વિદેશ મંત્રી અન્નાલેના બેરબોક અને યુરોપિયન યુનિયનના વિદેશી બાબતોના વડા જોસેપ બોરેલે કહ્યું કે રફાહ પર આંતરરાષ્ટ્રીય અદાલતના ચુકાદાનું સન્માન કરવું જોઈએ. તેમજ ગાઝામાં માનવ અધિકારોનું રક્ષણ થવું જોઈએ.