Skin Care With Ghee : ઘીની મદદથી આ રીતે બનાવો ક્રીમ, રાતોરાત ચેહરા પર ફરક દેખાશે

નાઈટ ક્રીમમાં ઘીનો ઉપયોગ કરવાથી ત્વચાને ઘણા ફાયદા થાય છે. તેનાથી સ્કીનની ડ્રાઈનેસ તો ઓછી થાય છે સાથે-સાથે સ્કીનમાં કુદરતી ચમક પણ આવે છે. તેનાથી સ્કીન પરની કરચલીઓ અને ડાઘના નિશાન ઓછા થાય છે. આટલું જ નહીં ચહેરા પરના ઘાવના નિશાનને ઘટાડવામાં પણ મદદ કરે છે. ચાલો જાણીએ ઘીમાંથી નાઈટ ક્રીમ કેવી રીતે બનાવવી.

નાઈટ ક્રીમ બનાવવાની રીત :

સૌ પ્રથમ, 1 ચમચી ઘી લો, તેમાં 2 થી 3 બરફના ટુકડા ઉમેરો અને લગભગ 10 થી 15 મિનિટ સુધી તેને મિક્સ કરો. આ સમય દરમિયાન ઘીમાંથી જે પણ પાણી નીકળે છે તેને બહાર કાઢતા રહો. એ જ રીતે જ્યારે બરફ સંપૂર્ણપણે પીગળી જાય અને બધું પાણી નીકળી જાય, ત્યારે તેને એક નાના બોક્સમાં પેક કરીને રાખો. તે તમારી સ્કીનની સમસ્યાઓને ઘટાડી શકે છે અને સ્કીનને કોમળ રાખવામાં પણ અસરકારક છે.

સનબર્નથી છુટકારો મેળવો :

દરરોજ રાત્રે સૂતા પહેલા તેને લગાવવાથી સનબર્નની સમસ્યાથી છુટકારો મેળવી શકાય છે. આ માટે સૌથી પહેલા તમારો ચહેરો સાફ કરો અને સૂતા પહેલા આ ક્રીમને અસરગ્રસ્ત જગ્યા પર સારી રીતે લગાવો. તેને રોજ લગાવવાથી ત્વચા કુદરતી રીતે ચમકશે.

સોજાની સમસ્યામાં રાહત આપે છે :

કેટલાક લોકોને સવારે ઉઠ્યા બાદ સ્કીન પર સોજા આવવાની સમસ્યા રહે છે. આવી સ્થિતિમાં દરરોજ રાત્રે સૂતા પહેલા આ ક્રીમથી સારી રીતે માલિશ કરો. વાસ્તવમાં ઘી બળતરા વિરોધી ગુણોથી ભરપૂર છે જે તમારા ચહેરાના સોજાને ઓછો કરશે. સોજો ઓછો કરવા માટે તેને દરરોજ રાત્રે લગાવો અને સવારે ઉઠ્યા પછી તમારા ચહેરાને ધોઈ લો અને તેને કોટનના કપડાથી સાફ કરો, આમ કરવાથી થોડા દિવસોમાં તમને રાહત મળશે સોજાની સમસ્યામાંથી તમને રાહત મળશે.

ડાઘ થશે ઓછા :

તમારા ચહેરા પરના ડાઘ ઘટાડવા માટે, દરરોજ રાત્રે સૂતા પહેલા આ ક્રીમનો ઉપયોગ કરો. તેમાં એન્ટી-ઓક્સીડેન્ટ અને એન્ટી-ઈન્ફ્લેમેટરી ગુણ હોય છે જે ત્વચાના ડાઘ-ધબ્બા ઘટાડવામાં મદદ કરે છે.

ચેપથી છુટકારો મેળવો :

ઘીમાંથી બનેલી નાઈટ ક્રીમ લગાવવાથી ચહેરાના ઈન્ફેક્શનથી છુટકારો મેળવી શકાય છે. તેનાથી ચહેરાની શુષ્કતા અને લાલાશ પણ ઓછી થાય છે. આ ઉપરાંત કુદરતી ચમકતી ત્વચા માટે તમારે દરરોજ ઘીમાંથી બનેલી નાઇટ ક્રીમનો ઉપયોગ કરવો જ જોઇએ.