Andhra Pradesh: અનંતપુર જિલ્લાના ગુંટી મંડલના બચુપલ્લી ગામ પાસે નેશનલ હાઈવે 44 પર એક કારે નિયંત્રણ ગુમાવ્યું અને ટ્રક સાથે અથડાઈ.
આ અકસ્માતમાં ચાર લોકોના મોત થયા છે, જ્યારે અન્ય બે ગંભીર રીતે ઘાયલ થયા છે. મૃતક અને ઘાયલ વ્યક્તિઓ એક જ પરિવારના છે. સર્કલ ઈન્સ્પેક્ટર વેંકટ રામીરેડ્ડીએ ઘટનાની પુષ્ટિ કરતા આ માહિતી આપી છે.
પોલીસ અધિકારીએ જણાવ્યું કે અકસ્માત જિલ્લાના ગુંટી મંડલના બચુપલ્લી ગામ પાસે થયો હતો. હૈદરાબાદથી અનંતપુર જઈ રહેલી કારે કાબુ ગુમાવ્યો અને ટ્રક સાથે અથડાઈ. મૃતક અને ઘાયલ લોકો અનંતપુરના રાણી નગરના એક જ પરિવારના છે. અધિકારીઓ અકસ્માતના કારણની તપાસ કરી રહ્યા છે.
