Chinook Helicopter: સંરક્ષણ મંત્રાલયે ચિનૂક હેલિકોપ્ટર મોડલ ગુમ થવાના અહેવાલોને ભ્રામક ગણાવ્યા છે. સંરક્ષણ મંત્રાલયના પ્રવક્તા એ. ભારત ભૂષણ બાબુએ શનિવારે કહ્યું કે, DefExpo 2020 દરમિયાન લખનૌમાં DRDO દ્વારા સ્થાપિત ચિનૂક હેલિકોપ્ટર મોડલ ગાયબ થવાના સમાચાર ભ્રામક છે.
ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) એ ક્યારેય લખનૌમાં હેલિકોપ્ટરનું કોઈ મોડલ ઇન્સ્ટોલ કર્યું નથી. DefExpo2020 પ્રદર્શન દરમિયાન એક પણ મોડેલ ગુમ થયું નથી.
ડીઆરડીઓએ પણ આ અહેવાલોને ભ્રામક ગણાવ્યા છે
ડીઆરડીઓએ પણ આ અહેવાલોને ‘ભ્રામક’ ગણાવ્યા છે. અધિકારીઓએ જણાવ્યું કે હેલિકોપ્ટરનું મોડલ લખનૌના વૃંદાવન પ્લાનિંગ વિસ્તારના સેક્ટર 20માં ખરાબ હાલતમાં હતું. તે દૂર કરવામાં આવ્યું હતું કારણ કે જી-20 સંબંધિત કાર્યક્રમ માટે વડા પ્રધાનની શહેરમાં મુલાકાત માટે હેલિપેડનું નિર્માણ કરવાનું હતું.
