National News:એન્ફોર્સમેન્ટ ડિરેક્ટોરેટ (ED) એ હરિયાણાના ભૂતપૂર્વ મુખ્યમંત્રી અને કોંગ્રેસ નેતા સાથે સંબંધિત મની લોન્ડરિંગ કેસમાં કાર્યવાહી કરતી વખતે, બે કંપનીઓની 834 કરોડ રૂપિયાની સંપત્તિ જપ્ત કરી હતી. ઈડીએ હુડા, એમાર અને એમજીએફ ડેવલપમેન્ટ લિમિટેડ અને અન્ય આરોપીઓ વિરુદ્ધ આ કાર્યવાહી કરી છે. આરોપીઓએ આ ગામોમાં સસ્તા ભાવે જમીનો મેળવી હતી. આ તમામ મિલકતો ગુરુગ્રામ અને દિલ્હીના 20 ગામોમાં આવેલી છે.
EDએ 834 કરોડની સંપત્તિ જપ્ત કરી છે
EDના અધિકારીઓએ જણાવ્યું હતું કે Emaar India Limitedની રૂ. 501.13 કરોડની મિલકત અને MGF ડેવલપમેન્ટની રૂ. 332.69 કરોડની કિંમતની 401.655 એકરમાં ફેલાયેલી સ્થાવર મિલકતો જપ્ત કરવામાં આવી છે. તમને જણાવી દઈએ કે આ તમામ પ્રોપર્ટી ગુરુગ્રામ અને દિલ્હીના 20 ગામમાં આવેલી છે. આ સાથે, ગુરુગ્રામના સેક્ટર 65 અને 66માં રહેણાંક વસાહતો માટે ટાઉન પ્લાનર પાસેથી મળેલા લાયસન્સ મામલે પણ એમાર ઈન્ડિયા અને એમજીએફ ડેવલપમેન્ટ બંનેની તપાસ કરવામાં આવી રહી છે.
