ગુજરાતના રાજકોટમાં પ્રખ્યાત ગોપાલ નમકીન ફેક્ટરીમાં આગ લાગી હતી. ઘટનાસ્થળે જોતા એવું લાગી રહ્યું હતું કે આગએ વિકરાળ સ્વરૂપ ધારણ કરી લીધું હતું અને દૂર સુધી ધુમાડાના ગોટેગોટા દેખાતા હતા. ઘટનાની જાણ થતાં ફાયર વિભાગ ઘટના સ્થળે પહોંચી ગયું છે અને આગ પર કાબૂ મેળવવાના પ્રયાસો હાથ ધરાયા છે.
પ્રાપ્ત માહિતી અનુસાર, રાજકોટના લોધીકા તાલુકાના મેટોડા જીઆઈડીસીમાં આવેલી ગોપાલ નમકીન ફેક્ટરીના પ્રોડક્શન યુનિટમાં આજે સવારે આગ ફાટી નીકળી હતી. થોડી જ વારમાં આગે વિકરાળ સ્વરૂપ ધારણ કર્યું હતું. જેના કારણે દૂર દૂર સુધી ધુમાડાના ગોટેગોટા જોવા મળ્યા હતા. આગના કારણે કારખાનામાં કામ કરતા કામદારોમાં ગભરાટ ફેલાયો હતો. આગની ઘટના બાદ આસપાસના લોકો એકઠા થઈ ગયા હતા. થોડીવાર માટે ઘટનાસ્થળે અફરા-તફરી મચી ગઈ હતી.
આગની ઘટના અંગે ફાયર વિભાગની ટીમને જાણ કરવામાં આવી હતી, ત્યારબાદ ફાયર વિભાગની ટીમ ઘટના સ્થળે પહોંચી હતી. ફાયર બ્રિગેડના જવાનો દ્વારા આગ પર કાબૂ મેળવવાના પ્રયાસો હાથ ધરવામાં આવ્યા છે. ભીષણ આગ બાદ રાજકોટથી ફાયર વિભાગની ટીમ પણ મોકલવામાં આવી છે. છેલ્લા ત્રણ કલાકથી લાગેલી આગ હજુ કાબુમાં આવી નથી.
સ્થાનિક લોકોના જણાવ્યા અનુસાર કાર્ટૂનમાં આગ લાગ્યા બાદ આગ ફેલાઈ ગઈ હતી. કોઈના ફસાયા હોવાની માહિતી નથી. ઉલ્લેખનીય છે કે આગ ત્રીજા માળ સુધી ફેલાઈ ગઈ છે. આગની તીવ્રતાને ધ્યાનમાં રાખીને ફાયર ફાઇટિંગની સુવિધાના અભાવે રાજકોટથી ફાયર વિભાગની મદદ મોકલવામાં આવી છે. કારખાનામાં કામ કરતા કર્મચારીઓ દ્વારા પણ આગ ઓલવવાની કામગીરી કરવામાં આવી રહી છે.
