US-ભારત ટ્રેડ ડીલ પર નવું અપડેટ ઓક્ટોબર મહિનામાં સમજુતી ફાઇનલ કરવા આવશે રુબિયો ભારત અને અમેરિકા વચ્ચે લાંબા સમયથી ચાલી રહેલી ટ્રેડ ડીલ હવે અંતિમ તબક્કામાં પહોંચી ગઈ છે ભારત અને અમેરિકા વચ્ચે લાંબા સમયથી ચાલી રહેલી ટ્રેડ ડીલ હવે તેના ફાઇનલ રાઉન્ડમાં પહોંચી ગઈ છે. અમેરિકામાં ભારતના રાજદૂત સર્જિયો ગોરે સંકેત આપ્યા છે કે, બન્ને દેશો વચ્ચે પ્રસ્તાવિત ટ્રેડ ડીલના લગભગ તમામ મુખ્ય ભાગો પર સહમતિ બની ચૂકી છે. હવે ડીલની કાનૂની અને ટેકનિકલ ભાષાને આખરી ઓપ આપવાનું કામ ચાલી રહ્યું છે. આ વચ્ચે અમેરિકા વિદેશ મંત્રી માર્કો રુબિયો ઓક્ટોબરમાં ફરીથી ભારતની મુલાકાતે આવશે.
સર્જિયો ગોરે ‘ધ ઇકોનોમિક ટાઇમ્સ વર્લ્ડ લીડર્સ ફોરમ’માં કહ્યું કે, વેપાર સમજુતીને લઈને ‘સૈદ્ધાંતિક રીતે લગભગ બધું જ’ નક્કી થઈ ચૂક્યું છે. તેમણે કહ્યું કે, હવે મુખ્ય કામ સમજુતીના ટેક્સ્ટને આખરી ઓપ આપવાનું છે. તેમણે જણાવ્યું કે, ડીલને ફાઇનલ કરવામાં એટલા માટે પણ મોડું થઈ રહ્યું છે કારણ કે હજુ લીગલ અને ટેકનિકલ ભાષાને લઈને કામ ચાલી રહ્યું છે.
અમેરિકાના વિદેશ મંત્રી માર્કો રુબિયો ઓક્ટોબરમાં ભારતની મુલાકાતે આવશે. આ તેમનો આ વર્ષનો બીજાે ભારત પ્રવાસ હશે.
સર્જિયો ગોરના જણાવ્યા અનુસાર, રુબિયો આ પહેલા મે મહિનામાં લગભગ પાંચ દિવસ ભારતમાં રહ્યા હતા અને હવે ઓક્ટોબરમાં તેમનો ઘણા દિવસોનો પ્રવાસ પ્રસ્તાવિત છે. એટલા ઓછા અંતરાલમાં અમેરિકી પ્રશાસનના એક શીર્ષ અધિકારીની ફરીથી ભારત યાત્રાને બન્ને દેશો વચ્ચે વધતા વ્યૂહાત્મક અને આર્થિક સંપર્ક તરીકે પણ જાેવામાં આવી રહ્યા છે.
રશિયા પાસેથી ઓઈલ ખરીદનારા દેશો પર ૧૦૦ ટકા ટેરિફ લગાવવાની સાથે જાેડાયેલા અમેરિકી કોંગ્રેસના પ્રસ્તાવ પર પણ સર્જિયો ગોર સ્પષ્ટતા કરી. તેમણે કહ્યું કે, આ પ્રસ્તાવને રિપબ્લિકન અને ડેમોક્રેટિક, બન્ને પક્ષોના સાંસદોનું સમર્થન મળ્યું છે, પરંતુ તેને વ્હાઇટ હાઉસની પહેલ તરીકે ન જાેવું જાેઈએ. ગોરના જણાવ્યા અનુસાર, રાષ્ટ્રપતિ ડોનાલ્ડ ટ્રમ્પે આવા ટેરિફ લગાવવાની માંગ નથી કરી. તેમણે કહ્યું કે, ટ્રમ્પ રશિયા-યુક્રેન યુદ્ધ (Russia-Ukraine War) ખતમ કરાવવા માટે સતત પ્રયાસ કરી રહ્યા છે. ગોરે યુદ્ધને બન્ને દેશો માટે એક મોટી ત્રાસદી ગણાવી અને કહ્યું કે, અમેરિકાની પ્રાથમિકતા આ સંઘર્ષનું વહેલી તકે શાંતિપૂર્ણ સમાધાન લાવવાનું છે.
અમેરિકાના રાજદૂતે વડાપ્રધાન નરેન્દ્ર મોદી અને રાષ્ટ્રપતિ ડોનાલ્ડ ટ્રમ્પના વ્યક્તિગત સંબંધોને પણ ભારત-અમેરિકા સંબંધોનો મજબૂતીનો મહત્ત્વપૂર્ણ આધાર ગણાવ્યો. તેમના મતે બન્ને નેતાઓ વચ્ચે વિશ્વાસ અને સારો વ્યક્તિગત તાલમેલ છે. તેમણે કહ્યું કે, આવનારા સમયમાં ભારત-અમેરિકા સંબંધો વૈશ્વિક સ્તરે મહત્ત્વપૂર્ણ ભૂમિકા ભજવી શકે છે.
