Inside Out 2: ઇનસાઇડ આઉટ 2 બોક્સ ઓફિસ પર સતત સફળતા બતાવી રહી છે. આ ડિઝની/પિક્સર ફિલ્મને સમગ્ર વિશ્વમાંથી અપાર પ્રેમ મળી રહ્યો છે. ટિકિટ બારી પર ઘણા રેકોર્ડ બનાવનાર આ ફિલ્મે હવે એક મોટી સિદ્ધિ હાંસલ કરી છે. આ ફિલ્મે બોક્સ ઓફિસ પર 1 અબજ અથવા 100 કરોડ ડોલરનો આંકડો પાર કરી લીધો છે.
ઇનસાઇડ આઉટ 2 એ 19 દિવસમાં $101.48 મિલિયનનો વૈશ્વિક બિઝનેસ કર્યો છે. આ સાથે આ ફિલ્મ સૌથી ઓછા સમયમાં 100 કરોડના ક્લબમાં પ્રવેશ કરનારી ફિલ્મ બની ગઈ છે. આ ફિલ્મે ફ્રોઝન 2ને હરાવીને આ નવો રેકોર્ડ બનાવ્યો છે, જેને આ આંકડો પહોંચવામાં 25 દિવસનો સમય લાગ્યો છે. અત્યાર સુધીમાં, કુલ 11 એનિમેટેડ ફિલ્મો આ પ્રતિષ્ઠિત ક્લબનો ભાગ છે, જેમાં ડિઝની અને પિક્સારની સંયુક્ત આઠ ફિલ્મોનો સમાવેશ થાય છે.
કેલ્સી માન દ્વારા નિર્દેશિત ‘ઈનસાઈડ આઉટ 2’ આ વર્ષની પહેલી ફિલ્મ છે, જેણે બોક્સ ઓફિસ પર 100 કરોડ રૂપિયાની કમાણી કરી છે. ફિલ્મને વિદેશી બજારમાં પણ સારો પ્રતિસાદ મળ્યો છે, જેના કારણે તેણે અત્યાર સુધીમાં કુલ $545 મિલિયનની કમાણી કરી છે.
આ સપ્તાહના અંતમાં, ઈનસાઈડ આઉટ 2 એ આંતરરાષ્ટ્રીય સ્તરે 18મું સ્થાન મેળવ્યું હતું, જેમાં શ્રેક ફોરએવર આફ્ટર ($514 મિલિયન), મેડાગાસ્કર 3 ($531 મિલિયન) અને ફાઇન્ડિંગ ડોરી ($543 મિલિયન) ને પાછળ છોડી દીધા હતા.
