ચાઈનીઝ દોરી-તુક્કલ મામલે હાઈકોર્ટ કડક, વેચાણ અને વપરાશ કરનાર સામે કડક કાર્યવાહીનો આદેશ

સોગંદનામા મુજબ, ૨૧ નવેમ્બરથી ૧૦ ડિસેમ્બર, ૨૦૨૫ દરમિયાન, પોલીસે આ પ્રતિબંધિત વસ્તુઓના ઉત્પાદન, વેચાણ, સંગ્રહ અથવા ઉપયોગ સંબંધિત ૫૯ ગુના નોંધ્યા હતા. અધિકારીઓએ ૧૨,૦૬૬થી વધુ પ્રતિબંધિત દોરા અને સંબંધિત સામગ્રી – જેમ કે રીલ, સ્પૂલ, બોબિન્સ અને ટેલર, કટ દોરા જપ્ત કર્યા છે જેની કિંમત આશરે રૂ. ૩૬.૮૦ લાખ છે. વધુમાં, રાજ્યભરમાં ૭૩ આરોપીઓની ધરપકડ કરવામાં આવી હતી.

જાહેર જાગૃતિ લાવવા માટે, રાજ્ય તંત્રએ શાળાઓ, કોલેજાે, બજારો અને અન્ય સ્થળોએ ૧૧૬ બેઠકોનું આયોજન કર્યું હતું. જાગૃતિ માટે વ્યાપકપણે અખબારોમાં જાહેરાતો પ્રકાશિત કરવામાં આવી હતી, અને જિલ્લા પોલીસ અને વહીવટી એકાઉન્ટ્સ દ્વારા X, Faceboko, Instagram y™u WhatsApp જેવા પ્લેટફોર્મ પર ૨૩૦ સત્તાવાર સોશિયલ મીડિયા પોસ્ટ શેર કરવામાં આવી હતી. ઘણા જિલ્લાઓમાં, જાહેરાતો માટે ઓછામાં ઓછી ૮ ભાડે રાખેલી ઓટો-રિક્ષા પર લગાવેલી જાહેર સંબોધન કરવામાં આવ્યું હતું.
અલગ-અલગ સોગંદનામામાં નોંધવામાં આવ્યું છે કે પોલીસ કમિશનરો અને જિલ્લા મેજિસ્ટ્રેટને ભારતીય ન્યાય સંહિતા, ૨૦૨૩ હેઠળ વાર્ષિક સૂચનાઓ જારી કરવાનો આદેશ આપવામાં આવ્યો છે, જેમાં ઉત્તરાયણ દરમિયાન પતંગ ઉડાવવા માટે પ્રતિબંધિત વસ્તુઓનો ઉપયોગ, વેચાણ, સંગ્રહ અને કબજાે રાખવા પર પ્રતિબંધ મૂકવામાં આવ્યો છે. ૧૭ સપ્ટેમ્બર, ૨૦૨૫ના રોજ ૨૦૨૬ માટે એક જાહેરનામું બહાર પાડવામાં આવ્યું હતું. આ મામલાની વધુ સુનાવણી ૯ જાન્યુઆરી, ૨૦૨૬ ના રોજ થશે.