HMPV વાયરસના કેસ ભારતમાં ઝડપથી વધી રહ્યા છે. હવે આસામમાં એક નવો મામલો સામે આવ્યો છે. શનિવારે, અધિકારીઓએ જણાવ્યું હતું કે 10 મહિનાના બાળકમાં હ્યુમન મેટાપ્યુમોવાયરસ (HMPV) ચેપ જોવા મળ્યો છે.
ડિબ્રુગઢમાં સારવાર ચાલી રહી છે
અધિકારીઓએ જણાવ્યું કે બાળકની ડિબ્રુગઢની આસામ મેડિકલ કોલેજ એન્ડ હોસ્પિટલ (AMCH)માં સારવાર ચાલી રહી છે અને તેની હાલત હવે સ્થિર છે.
એએમસીએચના સુપરિન્ટેન્ડેન્ટ ડૉ. ધ્રુબજ્યોતિ ભુયાએ જણાવ્યું હતું કે ચાર દિવસ પહેલા બાળકને શરદીના લક્ષણોને કારણે સરકારી હોસ્પિટલમાં દાખલ કરવામાં આવ્યો હતો.
નિયમિત પરીક્ષણ દરમિયાન જાણવા મળ્યું
હોસ્પિટલના સુપરિન્ટેન્ડેન્ટે જણાવ્યું હતું કે લાહોવાલ સ્થિત ICMR-RMRC તરફથી પરીક્ષણ પરિણામો મળ્યા બાદ ગઈકાલે HMPV ચેપની પુષ્ટિ થઈ હતી. ભુઈયાંએ કહ્યું કે ઈન્ફલ્યુએન્ઝા અને ફ્લૂ સંબંધિત કેસોમાં નિયમિતપણે સેમ્પલ ઈન્ડિયન કાઉન્સિલ ઓફ મેડિકલ રિસર્ચને ટેસ્ટિંગ માટે મોકલવામાં આવે છે, જેમાં આ રિપોર્ટ આવ્યો છે.
