ગુજરાતના અમદાવાદ-રાજકોટ હાઈવે પર બુધવારે રાત્રે ચાર વાહનો વચ્ચે અથડાતા એક ગંભીર માર્ગ અકસ્માત સર્જાયો હતો. આ અકસ્માતમાં બે લોકોના મોત થયા છે, જ્યારે ત્રણ લોકો ગંભીર રીતે ઘાયલ થયા છે. દરેકને હોસ્પિટલમાં દાખલ કરવામાં આવ્યા છે. મળતી માહિતી મુજબ બગોદરાથી બાવળા જઈ રહેલા કેમિકલ ટેન્કરનું ટાયર ફાટ્યું હતું, જેના કારણે ટેન્કર ટ્રક સાથે અથડાયું હતું. તેની અસરથી ત્રણ ટ્રકમાં આગ લાગી હતી.
જણાવવામાં આવી રહ્યું છે કે ટ્રકો સામસામે અથડાયા બાદ બંને તરફથી વાહનવ્યવહાર રોકવો પડ્યો હતો. ઘટનાની જાણ થતાં ફાયર બ્રિગેડની ટીમ ત્યાં પહોંચી હતી અને કલાકોની ભારે જહેમત બાદ આગ પર કાબુ મેળવ્યો હતો. મળતી માહિતી મુજબ કપડાના રોલ્સ ભરેલી ટ્રક રોંગ સાઇડમાં ઉભી હતી. જેના કારણે આગએ વિકરાળ સ્વરૂપ ધારણ કર્યું હતું. આગ કાબુમાં આવ્યા બાદ બળી ગયેલા વાહનોને બે જેસીબી અને એક હિટાચીની મદદથી રસ્તા પરથી હટાવી લેવામાં આવ્યા હતા.
પાંચ કલાક સુધી વાહનવ્યવહાર ખોરવાયો હતો
લગભગ પાંચ કલાક બાદ ટ્રાફિક સામાન્ય થયો હતો. આ ઘટનાને પગલે હાઈવે પર લાંબો ટ્રાફિક જામ થઈ ગયો હતો. ગત વર્ષે પણ બગોદ્રામાં જ હાઈવે પર મોટો અકસ્માત થયો હતો, જેમાં અનેક લોકોના મોત થયા હતા.
