હૈદરાબાદમાં એક વ્યક્તિએ મુથ્યાલમ્મા મંદિરની મૂર્તિ તોડી, બીજેપી અધ્યક્ષ કિશન રેડ્ડીએ આ મામલે કડક કાર્યવાહીની કરી માંગ

તેલંગાણાના હૈદરાબાદમાં પાસપોર્ટ ઓફિસ નજીક કુરમાગુડામાં મુથ્યાલમ્મા મંદિરની મૂર્તિને કથિત રીતે નુકસાન પહોંચાડવાનો મામલો સામે આવ્યો છે.

મહાંકલી ડિવિઝનના આસિસ્ટન્ટ પોલીસ કમિશનરે જણાવ્યું કે ઘટના બાદ સ્થાનિક લોકોએ એક વ્યક્તિને પકડીને માર્કેટ પોલીસ સ્ટેશનની હદમાં પોલીસને હવાલે કર્યો હતો. હાલ પોલીસ ઘટનાસ્થળે હાજર છે.

કેન્દ્રીય મંત્રી અને તેલંગાણા બીજેપી અધ્યક્ષ જી કિશન રેડ્ડીએ સિકંદરાબાદના મોંડલ વિભાગમાં મુથ્યાલમ્મા મંદિરની મુલાકાત લીધી.

ભાજપ પ્રમુખ રેડ્ડીએ ગંભીર આક્ષેપો કર્યા હતા

કેન્દ્રીય મંત્રી અને તેલંગાણા બીજેપી અધ્યક્ષ જી કિશન રેડ્ડીએ જણાવ્યું કે, આજે સવારે લગભગ 4 વાગ્યાની આસપાસ મુસ્લિમ સમુદાયના એક વ્યક્તિએ મંદિરમાં ઘૂસીને માતાની મૂર્તિ તોડવાનો પ્રયાસ કર્યો હતો. આ શરમજનક છે, કેટલાક લોકોએ તેને જોયો, તેને પકડી લીધો અને પોલીસને હવાલે કર્યો. તે ચોરી કરવા નથી આવ્યો પરંતુ હિંદુ સમાજનું અપમાન કરવા આવ્યો હતો… હૈદરાબાદમાં અલગ-અલગ જગ્યાએ આવી ઘટનાઓ સતત બની રહી છે, કેટલાક લોકો જાણીજોઈને હૈદરાબાદમાં તંગદિલી સર્જવા અને કોમી રમખાણો વધારવા માટે કરી રહ્યા છે.

તેમણે વધુમાં કહ્યું કે હું આ મુદ્દા પર ધ્યાન આપવા માટે સીએમ સાથે પણ વાત કરીશ. હવે પોલીસ કમિશનરને સ્થળ પર બોલાવવામાં આવ્યા છે. આ અંગે ઝીણવટભરી તપાસ થવી જોઈએ… આગામી દિવસોમાં હૈદરાબાદના તમામ મંદિરોમાં સીસીટીવી કેમેરા લગાવવા જોઈએ. જો જરૂરી હોય તો પિકેટ્સ ગોઠવવા જોઈએ અને સંવેદનશીલ વિસ્તારોમાં સુરક્ષા પ્રદાન કરવી જોઈએ.

આ પણ વાંચો –ફ્લાઈટ બાદ હવે મુંબઈ-હાવડા ટ્રેનને બોમ્બથી ઉડાડવાની ધમકી મળી, ટ્રેન અધિકારીઓએ આ સમગ્ર મામલે કરી તપાસ.