NIA: રાષ્ટ્રીય તપાસ એજન્સી (NIA) એ ગુરુવારે આતંકવાદી સંગઠન ISના મોડ્યુલ કેસમાં ત્રણ આરોપીઓ વિરુદ્ધ ચાર્જશીટ દાખલ કરી છે. NIAની વિશેષ અદાલત, પટિયાલા હાઉસમાં ચાર્જશીટ દાખલ કરવામાં આવી હતી. આરોપીઓ પર આઈએસ મોડ્યુલ દ્વારા વિસ્ફોટકો બનાવવા, ભરતી કરવા, ફંડ એકત્ર કરવા અને આઈએસ માટે ષડયંત્ર રચવાનો આરોપ છે.
આરોપીઓ ભારત વિરોધી એજન્ડાને પ્રોત્સાહન આપવામાં સામેલ હતા
NIAએ નિવેદનમાં જણાવ્યું કે આરોપીઓની ઓળખ ઉત્તર પ્રદેશના પ્રયાગરાજના મોહમ્મદ રિઝવાન અશરફ, ઉત્તરાખંડના દેહરાદૂનના મોહમ્મદ અરશદ વારસી અને ઝારખંડના હજારીબાગના મોહમ્મદ શાહનવાઝ આલમ તરીકે કરવામાં આવી છે. ત્રણેય આરોપીઓ આઈએસના ભારત વિરોધી એજન્ડાને પ્રોત્સાહન આપવામાં સામેલ હતા.
NIAએ ગયા વર્ષે કેસ નોંધ્યો હતો
મહારાષ્ટ્ર ISના આતંકવાદી મોડ્યુલની તપાસ દરમિયાન, NIAએ IS દ્વારા પ્રકાશિત વોઈસ ઓફ હિંદ, ખિલાફત જેવા મેગેઝીન તેમજ વિસ્ફોટકોના ઉત્પાદન અને IEDsના ઉત્પાદનને લગતી સામગ્રીઓ જપ્ત કરી હતી. NIAએ ગયા વર્ષે 6 નવેમ્બરે IS હેન્ડલર્સની સૂચના પર આતંકવાદી ગતિવિધિઓને અંજામ આપવાના કાવતરાના સંબંધમાં કેસ નોંધ્યો હતો.
