West Bengal: બંગાળના કોલસા ચોરી કૌભાંડમાં નવો વળાંક આવ્યો છે. એક શંકાસ્પદ આરોપીએ મંગળવારે સીબીઆઈ કોર્ટમાં આત્મસમર્પણ કર્યું હતું. તે છેલ્લા કેટલાક સમયથી ફરાર હતો.
પશ્ચિમ બંગાળના આસનસોલ નજીકના ઈસ્ટર્ન કોલ ફિલ્ડ્સ, દુર્ગાપુર, પુરુલિયા, કુનુસ્ટોરિયાના બાંકુરા અને કજોરા વિસ્તારની કોલસાની ખાણોમાંથી કોલસાની દાણચોરી કરવામાં આવી હતી. તેમજ બંગાળ કોલસા કૌભાંડમાં EDએ મમતા બેનર્જીના ભત્રીજા અભિષેક બેનર્જી અને તેમની પત્ની રૂજીરા બેનર્જીની પૂછપરછ કરી છે. હવે મંગળવારે આ મામલામાં નવો વળાંક આવ્યો છે.
આ કેસના મુખ્ય આરોપી અનૂપ માઝીએ આસનસોલની સીબીઆઈ કોર્ટ સમક્ષ આત્મસમર્પણ કર્યું હતું. તમને જણાવી દઈએ કે આ આરોપી માઝી ઉર્ફે લાલા છેલ્લા કેટલાક સમયથી ફરાર હતો. સીબીઆઈએ વર્ષ 2020માં કોલસાની દાણચોરી કૌભાંડની તપાસ શરૂ કરી હતી. સીબીઆઈ 21 મેના રોજ ચાર્જશીટ દાખલ કરવા જઈ રહી છે.
