ઓસ્ટ્રેલિયા અને ન્યુઝીલેન્ડ વચ્ચે 2 મેચની ટેસ્ટ સીરીઝ 29 ફેબ્રુઆરીથી શરૂ થઈ રહી છે. બંને ટીમો વચ્ચે શ્રેણીની પ્રથમ મેચ વેલિંગ્ટનમાં રમાશે. આ મેચ પહેલા એક ટીમને મોટો ઝટકો લાગ્યો છે. ટીમનો એક સ્ટાર ખેલાડી ઈજાના કારણે શ્રેણીની પ્રથમ મેચમાંથી બહાર છે. પસંદગીકારોએ આ ખેલાડીને બદલવાની જાહેરાત પણ કરી દીધી છે.
આ ખેલાડી પ્રથમ ટેસ્ટમાંથી બહાર થઈ ગયો હતો
ન્યૂઝીલેન્ડનો સ્ટાર ઓપનર ડેવોન કોનવે ઓસ્ટ્રેલિયા સામેની બે મેચની શ્રેણીની પ્રારંભિક ટેસ્ટમાંથી બહાર થઈ ગયો છે. ડેવોન કોનવેની જગ્યાએ હેનરી નિકોલ્સને ટીમમાં બોલાવવામાં આવ્યો છે. ડેવોન કોનવે ડાબા હાથના અંગૂઠામાં ઈજા સાથે સંઘર્ષ કરી રહ્યો છે, જેના કારણે તેણે શ્રેણીની પ્રથમ મેચમાંથી ખસી જવું પડ્યું છે. જો કે, તે હજુ સ્પષ્ટ નથી કે તે ક્રાઈસ્ટચર્ચમાં 8મી માર્ચથી શરૂ થનારી બીજી ટેસ્ટમાં પસંદગી માટે ઉપલબ્ધ રહેશે કે કેમ.
ટી-20 સિરીઝ દરમિયાન ઈજા થઈ હતી
ઓકલેન્ડના ઈડન પાર્ક ખાતે તાજેતરમાં સમાપ્ત થયેલી ઓસ્ટ્રેલિયા સામેની ત્રણ મેચની શ્રેણીની બીજી T20 મેચ દરમિયાન વિકેટ કીપિંગ દરમિયાન ડેવોન કોનવેને ડાબા અંગૂઠામાં ઈજા થઈ હતી. આ ઈજાના કારણે તે ટી20 સિરીઝની છેલ્લી મેચમાંથી પણ બહાર થઈ ગયો હતો.
ન્યુઝીલેન્ડના મુખ્ય કોચ ગેરી સ્ટેડ કોનવેની ઈજાથી નિરાશ છે અને બેટિંગ ક્રમમાં તેના મહત્વથી વાકેફ છે. સ્ટેડે કહ્યું કે મહત્વની મેચની પૂર્વ સંધ્યાએ ડેવોન માટે બહાર થવું નિરાશાજનક હતું. ટોચના ક્રમમાં બેટિંગ કરવા માટે તે અમારા માટે ગુણવત્તાયુક્ત ખેલાડી છે અને હું જાણું છું કે તે ખરેખર આ શ્રેણીની રાહ જોઈ રહ્યો હતો.
પ્રથમ ટેસ્ટ માટે ન્યુઝીલેન્ડની ટીમ:
ટિમ સાઉથી (કેપ્ટન), ટોમ બ્લંડેલ (વિકેટકીપર), મેટ હેનરી, સ્કોટ કુગેલીજન, ટોમ લાથમ, ડેરીલ મિશેલ, વિલ ઓ’રર્કે, ગ્લેન ફિલિપ્સ, રચિન રવિન્દ્ર, મિશેલ સેન્ટનર, નીલ વેગનર, કેન વિલિયમસન, વિલ યંગ.
ઓસ્ટ્રેલિયા ટેસ્ટ ટીમ સ્ક્વોડ:
પેટ કમિન્સ (કેપ્ટન), સ્કોટ બોલેન્ડ, એલેક્સ કેરી, કેમેરોન ગ્રીન, જોશ હેઝલવુડ, ટ્રેવિસ હેડ, ઉસ્માન ખ્વાજા, માર્નસ લાબુશેન, નાથન લિયોન, મિશેલ માર્શ, માઈકલ નેસર, મેથ્યુ રેનશો, સ્ટીવ સ્મિથ (વાઈસ-કેપ્ટન), મિશેલ સ્ટાર્ક.
