Israel-Hamas: રવિવારે રાત્રે દક્ષિણ ગાઝા પટ્ટીના રફાહ શહેરમાં ત્રણ રહેણાંક ઇમારતો પર ઇઝરાયેલના હવાઈ હુમલામાં ઓછામાં ઓછા 15 પેલેસ્ટિનિયન માર્યા ગયા હતા. પેલેસ્ટાઈનની સત્તાવાર સમાચાર એજન્સી વાફાએ સોમવારે આ માહિતી આપી હતી. સિન્હુઆ ન્યૂઝ એજન્સીએ સ્થાનિક સૂત્રોને ટાંકીને જણાવ્યું હતું કે અન્ય ઘણા લોકો હજુ પણ કાટમાળ નીચે ફસાયેલા છે અને નાગરિક સંરક્ષણની ટીમ તેમને બચાવવા માટે કામ કરી રહી છે.
હમાસ સંચાલિત આરોગ્ય મંત્રાલયે રવિવારે એક નિવેદનમાં જણાવ્યું હતું કે ઇઝરાયલી દળોએ છેલ્લા 24 કલાકમાં 66 પેલેસ્ટાઈનીઓને માર્યા છે અને 138 અન્ય ઘાયલ થયા છે. ગયા વર્ષે 7 ઓક્ટોબરે ઇઝરાયેલ-પેલેસ્ટાઇન સંઘર્ષ શરૂ થયો ત્યારથી કુલ મૃત્યુઆંક વધીને 34,454 થયો છે જ્યારે 77,575 લોકો ઘાયલ થયા છે.
