Israel Hamas War : રફાહમાં ઈઝરાયેલના હુમલાથી વધુ 37 પેલેસ્ટાઈનના મોત, અનેક દેશોએ ઈઝરાયેલને આપી ચેતવણી

રવિવારે 45 લોકોના મોત થયા હતા

ગાઝાના સ્થાનિક આરોગ્ય અધિકારીઓના જણાવ્યા અનુસાર, ઇઝરાયલી દળોએ રવિવારે પણ આ જ વિસ્તારમાં હવાઈ હુમલો કર્યો હતો, જેમાં 45 પેલેસ્ટિનિયન માર્યા ગયા હતા. હમાસ દ્વારા કરવામાં આવેલા મિસાઈલ હુમલાના જવાબમાં ઈઝરાયેલે આ હવાઈ હુમલા કર્યા હતા. ઇઝરાયલના પીએમ બેન્જામિન નેતન્યાહુએ તેને દુ:ખદ ઘટના ગણાવી અને તપાસના આદેશ આપ્યા છે. પરંતુ ઉત્તર-પશ્ચિમ રુફાહના તેલ અલ-સુલતાનમાં સોમવારે રાત્રે બીજો હુમલો થયો હતો, જેમાં 16 પેલેસ્ટિનિયન માર્યા ગયા હતા.

ઇઝરાયેલે કહ્યું છે કે ગાઝા-ઇજિપ્ત સરહદ પર તે મર્યાદિત કાર્યવાહી હતી. પરંતુ સ્થાનિક લોકોએ આખી રાત ભારે તોપમારો કર્યાની વાત કરી હતી. અબ્દેલ-રહેમાન અબુ ઇસ્માઇલ, ગાઝા શહેરના રહેવાસી અને ગયા ડિસેમ્બરથી રફાહના તેલ અલ-સુલતાનમાં આશ્રય લીધેલ છે, તેણે તેને રાત્રિનો આતંક ગણાવ્યો. તેણે કહ્યું કે તેણે આખી રાત અને મંગળવારે સવારે પણ ફાઈટર જેટ અને ડ્રોનનો અવાજ સાંભળ્યો.

અમેરિકા અને ઈઝરાયેલના અન્ય સાથીઓએ ચેતવણી આપી હતી

અમેરિકા અને ઈઝરાયેલના અન્ય સહયોગીઓએ ઈઝરાયેલને આ રીતે નિર્દોષોની હત્યા કરવા સામે ચેતવણી આપી છે. શુક્રવારે ઇન્ટરનેશનલ કોર્ટે રફાહ પર હુમલા રોકવા માટે કહ્યું હતું. પરંતુ આ આદેશો બંધનકર્તા નથી.

ઈઝરાયેલના PMએ ફરી આ સંકલ્પ લીધો

ઈઝરાયેલના પીએમ બેન્જામિન નેતન્યાહુએ વચન આપ્યું છે કે ઈઝરાયેલની સેના રફાહમાં હમાસને ખતમ કરશે. દબાણ લાવી અમે 7 ઓક્ટોબરે હમાસના આતંકવાદીઓ દ્વારા બંધક બનાવાયેલા લોકોની મુક્તિ સુનિશ્ચિત કરીશું. 100થી વધુ લોકો હજુ પણ હમાસની કેદમાં છે.