Russia Ukraine War: યુક્રેનના વાયુસેનાના વડાએ રવિવારે જણાવ્યું હતું કે, યુક્રેનિયન દળોએ રશિયા દ્વારા રાતોરાત શરૂ કરાયેલા તમામ 37 હુમલાખોરોને નષ્ટ કરી દીધા છે. કમાન્ડરે કહ્યું કે વિમાનવિરોધી લડાઈના પરિણામે, કિવ, ઓડેસા, માયકોલાઈવ, સુમી, વિનીતસિયા, ઝાયટોમીર, ચેર્કસી અને ખેરસન પ્રદેશોમાં તમામ 37 ‘ડ્રોન’ને ઠાર કરવામાં આવ્યા હતા.
ઓડેસાના ગવર્નર ઓલેહ કીપરે ટેલિગ્રામ મેસેજિંગ એપ પર જણાવ્યું કે ઓડેસા ક્ષેત્રમાં 20 ડ્રોનનો નાશ કરવામાં આવ્યો છે. “કાટમાળ પડતાં ઓડેસા જિલ્લામાં વહીવટી ઇમારતને નુકસાન થયું હતું. ઓડેસામાં, કાટમાળ રહેણાંક વિસ્તારના આંગણામાં પડ્યો હતો. સદનસીબે કોઈને ઈજા થઈ ન હતી,” કિપરે જણાવ્યું હતું. અન્ય વિસ્તારોમાં સૈન્ય અને નાગરિક અધિકારીઓ દ્વારા કોઈ વિનાશ કે જાનહાનિના અહેવાલ નથી. જો કે, રોઇટર્સ અહેવાલોને સ્વતંત્ર રીતે ચકાસી શક્યું નથી.
