આયુષ્માનની ફિલ્મોમાં અનોખી વાર્તાઓનો જાદુ પરંપરાગત સિનેમાથી અલગ રહેવું પસંદ કરે છે આયુષ્માન ખુરાના ‘વિકી ડોનર’થી ‘અંધાધુન’ સુધી અલગ વિષયો પસંદ કર્યા, દર્શકોના વિશ્વાસથી પ્રયોગો કરવાની મળે છે પ્રેરણા
આજે જ્યારે દર્શકો સિનેમાઘરોમાં અલગ પ્રકારના કન્ટેન્ટ અને નવીન વાર્તાઓનો અનુભવ મેળવવા માટે વધુ ઉત્સુક બની રહ્યા છે, ત્યારે આયુષ્માન ખુરાનાએ સતત એવી ફિલ્મો પસંદ કરી છે, જે પરંપરાગત સિનેમાથી કંઈક અલગ રજૂ કરે છે. વિકી ડોનર અને શુભ મંગલ સાવધાનથી લઈને અંધાધુન અને ડ્રીમ ગર્લ સુધી, તેમની ફિલ્મોગ્રાફી એવી વાર્તાઓ પ્રત્યેની તેમની સ્પષ્ટ પસંદગી દર્શાવે છે, જે પોતાની રજૂઆતમાં આગવી હોવાની સાથે મુખ્યધારાના મનોરંજન સાથે પણ જાેડાયેલી છે.ઉડતા તીર, યે પ્રેમ મોલ લિયા અને મુપાપા તેમની વિવિધતાસભર આગામી ફિલ્મોની યાદીમાં ઉમેરાતાં, આયુષ્માન કન્ટેન્ટ આધારિત સિનેમાને સતત પ્રોત્સાહન આપી રહ્યા છે. આવી ફિલ્મો નવી દૃષ્ટિ, વિવિધ શૈલીઓ અને મનોરંજનને મોટા પડદા પર લાવે છે. તેમની ફિલ્મોની પસંદગી દર્શાવે છે કે જાે વાર્તાઓ દર્શકોને થિયેટરમાં એક રસપ્રદ અનુભવ આપે, તો તેઓ જાણીતી અને પરંપરાગત વાર્તાઓથી અલગ વિષયોને પણ અપનાવવા તૈયાર છે.સિનેમા પ્રત્યેના પોતાના અભિગમ વિશે વાત કરતાં આયુષ્માન ખુરાનાએ કહ્યું, “હું હંમેશાં પરંપરાગત માર્ગથી અલગ રસ્તે ચાલવામાં માનું છું. વિકી ડોનર, શુભ મંગલ સાવધાન, ડ્રીમ ગર્લ, અંધાધુનથી લઈને ઉડતા તીર, યે પ્રેમ મોલ લિયા અને મુપાપા સુધી, મારી ફિલ્મોની પસંદગી હંમેશાં આ વિચારને પ્રતિબિંબિત કરતી રહી છે. હું કન્ટેન્ટ આધારિત અને અપેક્ષિત ધારાથી અલગ વાર્તાઓ શોધવાનું ચાલુ રાખવા માગું છું. મારી પસંદગી પર દર્શકો જે વિશ્વાસ મૂકે છે, તે જ મને જાેખમ લેવાનો આત્મવિશ્વાસ અને પ્રયોગ કરવાની, મારી જાતને પડકારવાની તથા વિવિધ ફિલ્મી શૈલીઓમાં કામ કરવાની સ્વતંત્રતા આપે છે.”આજે જ્યારે ભારતીય ફિલ્મ ઉદ્યોગમાં ળેન્ચાઇઝી, ભવ્ય અને વિશાળ પાયે બનતી ફિલ્મો તથા અજમાવેલી અને સફળ સાબિત થયેલી ફોર્મ્યુલાઓનું પ્રભુત્વ વધી રહ્યું છે, ત્યારે આયુષ્માન સતત પોતાનો અલગ માર્ગ કંડારી રહ્યા છે. જે તેમની સફરને વિશેષ બનાવે છે. માત્ર તેમણે કરેલી વિવિધ પ્રકારની ફિલ્મો જ નહીં, પરંતુ મુખ્યધારાના સિનેમામાં કંઈક નવું લાવતી વાર્તાઓને સમર્થન આપવાની તેમની તૈયારી પણ છે. સામાજિક કોમેડી અને ડાર્ક થ્રિલરથી લઈને રોમેન્ટિક ડ્રામા અને દેશભક્તિપૂર્ણ કોમેડી સુધી, તેમણે કોઈ એક જ શૈલી સુધી મર્યાદિત રહ્યા વિના વાર્તાકથનના વિવિધ પ્રકારો અજમાવ્યા છે.“એક અભિનેતા તરીકે હું હંમેશાં એવી ફિલ્મોનો ભાગ બનવા માગતો રહ્યો છું, જે દર્શકોને કંઈક નવું આપે અને સાથે મનોરંજનને પણ કેન્દ્રમાં રાખે. ઉડતા તીરને સતત મળી રહેલો પ્રેમ મારા માટે ખૂબ જ નમ્રતા અને કૃતજ્ઞતાની લાગણી જન્માવે છે. આ પ્રેમ મને માત્ર એટલું જ જણાવે છે કે દર્શકો હંમેશાં કંઈક અલગ જાેવા માટે તૈયાર હોય છે. જાે કોઈ નવી દૃષ્ટિ, અસામાન્ય વિષય અથવા વાર્તા કહેવાની નવી રીત તેમનું મનોરંજન કરે અને તેમની સાથે જાેડાણ સ્થાપિત કરે, તો તેઓ તેને ચોક્કસ અપનાવે છે. આ વાર્તાઓ માટે મારા પર વિશ્વાસ મૂકનારા દરેક દિગ્દર્શક, લેખક અને ટીમનો તેમજ બિનપરંપરાગત વાર્તાઓ પણ મુખ્યધારાના મનોરંજનમાં પોતાનું સ્થાન બનાવી શકે છે તે સાબિત કરવા બદલ દર્શકોનો હું આભારી છું,” એમ આયુષ્માને વધુમાં ઉમેર્યું.ઉડતા તીર તેમની આ સફરમાં વધુ એક ફિલ્મ ઉમેરે છે, જ્યારે યે પ્રેમ મોલ લિયા અને મુપાપા તેમની આગામી ફિલ્મોની યાદીના અલગ-અલગ પાસાં રજૂ કરે છે. આયુષ્માન બોલિવૂડમાં વિવિધ પ્રકારના સિનેમાના સફળ અને અગ્રણી પ્રતિનિધિ તરીકે પોતાની સફર આગળ વધારી રહ્યા છે!
