Israel Big Move : ઈઝરાયેલ અને હમાસ વચ્ચે ચાલી રહેલા યુદ્ધ દરમિયાન અત્યાર સુધીના સૌથી મોટા રાહતના સમાચાર સામે આવ્યા છે. અગાઉની સરખામણીમાં હવે ઈઝરાયેલના વલણમાં વધુ સુગમતા જોવા મળી રહી છે. ઇઝરાયેલે શુક્રવારે કહ્યું હતું કે તે ગાઝા પટ્ટીમાં માનવતાવાદી સહાય પહોંચાડવા માટે પગલાં લઈ રહ્યું છે, જેમાં ખરાબ રીતે અસરગ્રસ્ત ઉત્તરી ગાઝામાં સરહદ ફરીથી ખોલવાનો સમાવેશ થાય છે. ઇઝરાયેલના વડા પ્રધાન બેન્જામિન નેતન્યાહુના કાર્યાલયે આ યોજનાની જાહેરાત કરી છે.
ઈઝરાયેલે મોટી જાહેરાત કરી છે
ઇઝરાયેલ તરફથી આ જાહેરાત અમેરિકી રાષ્ટ્રપતિ જો બિડેન અને નેતન્યાહૂ વચ્ચે ફોન પર થયેલી વાતચીત બાદ કરવામાં આવી છે. આ પહેલા બંને નેતાઓ વચ્ચે ફોન પર વાતચીત થઈ હતી. વાતચીત દરમિયાન, અમેરિકી રાષ્ટ્રપતિએ પોતાનું વલણ સ્પષ્ટ કરતાં કહ્યું કે, ગાઝામાં યુદ્ધ માટે ભાવિ યુએસ સમર્થન ઇઝરાયેલ નાગરિકો અને સહાય કર્મચારીઓની સુરક્ષા માટે વધુ પગલાં લે તેના પર નિર્ભર રહેશે.
હાલમાં, ઇઝરાયેલ દ્વારા કરવામાં આવેલી જાહેરાતમાં તે સ્પષ્ટ કરવામાં આવ્યું નથી કે કઈ વસ્તુઓને અને કેટલી માત્રામાં પ્રવેશવાની મંજૂરી આપવામાં આવશે.
ઈઝરાયેલને અમેરિકાનું સમર્થન ચાલુ છે
દરમિયાન, એ નોંધવું પણ મહત્વનું છે કે, મતભેદો હોવા છતાં, બિડેન વહીવટીતંત્રે હમાસ સામેના ઇઝરાયેલના યુદ્ધ માટે ઇઝરાયેલને નોંધપાત્ર લશ્કરી સહાય અને રાજદ્વારી સમર્થન આપવાનું ચાલુ રાખ્યું છે. ગાઝામાં ખોરાક પહોંચાડવામાં મદદ કરતી વખતે સાત સહાય કર્મચારીઓ માર્યા ગયા બાદ ઇઝરાયેલ આંતરરાષ્ટ્રીય અલગતાનો સામનો કરી રહ્યું છે. ગાઝાના આરોગ્ય મંત્રાલયે ગુરુવારે જણાવ્યું હતું કે પેલેસ્ટાઈનમાં મૃત્યુઆંક વધીને 33,000 થી વધુ થઈ ગયો છે, જ્યારે 75,600 અન્ય ઘાયલ થયા છે.
