Paris Olympics 2024: રોહન બોપન્ના અને એન શ્રીરામ બાલાજીની ભારતીય જોડીને ટેનિસ મેન્સ ડબલ્સ ઈવેન્ટના પ્રથમ રાઉન્ડમાં જ મોટો આંચકો લાગ્યો હતો. ગેલ મોનફિલ્સ અને એડૌર્ડ રોજર-વેસેલિનની ફ્રેન્ચ જોડીએ તેમને 5-7, 6-2થી હરાવ્યા હતા. આ સાથે ભારતીય જોડી ટૂર્નામેન્ટમાંથી બહાર થઈ ગઈ હતી. આ જીત સાથે ફ્રાન્સની જોડી બીજા રાઉન્ડમાં પહોંચી ગઈ છે. હવે તેનો મુકાબલો ટિમ પુએત્ઝ અને કેવિન ક્રાવિત્ઝની બીજી ક્રમાંકિત જર્મન જોડી સામે થશે.
આ પહેલા મેન્સ સિંગલ્સમાં ભારતના એકમાત્ર ટેનિસ ખેલાડી સુમિત નાગલને પહેલા રાઉન્ડમાં ફ્રાન્સના કોરેન્ટિન મૌટેતના હાથે ત્રણ સેટમાં હારનો સામનો કરવો પડ્યો હતો. આ હાર સાથે પેરિસ ઓલિમ્પિકમાં ટેનિસમાં ભારતીય પડકારનો અંત આવ્યો.
