ચેન્નાઈ સુપર કિંગ્સના CEO એ આપ્યો જવાબ એમ.એસ. ધોનીમાં હજુ પણ ક્રિકેટ બાકી છે ધોની છેલ્લી એક સીઝન રમવા માટે તમામ પ્રયાસો કરાશે ઉંમર ગમે તે હોય, ક્રિકેટ ચાહકો તો બસ એમ.એસ. ધોનીને મેદાન પર રમતા જાેવા માંગે છે. ધોનીએ આંતરરાષ્ટ્રીય ક્રિકેટમાંથી નિવૃત્તિ લીધાને પાંચ વર્ષથી વધુ સમય વીતી ગયો છે, તેમ છતાં તેની લોકપ્રિયતામાં જરાય ઘટાડો થયો નથી.
હવે, વિશ્વભરના ક્રિકેટ ચાહકો એ જાણવા માટે ઉત્સુક છે કે શું એમ.એસ. ધોની IPL ૨૦મી સીઝન એટલે કે ૨૦૨૭માં રમશે કે નહીં. આ અંગે હવે ખુદ ચેન્નાઈ સુપર કિંગ્સ તરફથી પ્રતિક્રિયા આવી છે.
ચેન્નાઈ સુપર કિંગ્સના CEO કાશી વિશ્વનાથને એક એવું નિવેદન આપ્યું છે જે ધોનીના ચાહકોને ચોક્કસપણે ગમશે. વિશ્વનાથન માને છે કે એમ.એસ. ધોનીમાં હજુ પણ ક્રિકેટ બાકી છે અને તેમણે કહ્યું કે ધોની છેલ્લી એક સીઝન રમવા માટે તમામ પ્રયાસો કરશે.
ચેન્નાઈમાં મીડિયા સાથે વાત કરતા વિશ્વનાથને જણાવ્યું હતું કે ફ્રેન્ચાઈઝીએ IPL 2027 માં રમવા અંગેનો ર્નિણય સંપૂર્ણપણે ધોની પર છોડી દીધો છે. તેમણે કહ્યું કે, આ પ્રશ્ન તમારે તેને પૂછવો જાેઈએ. મારે પણ તેને પૂછવું પડશે. જ્યારે તે ચેન્નાઈ આવે છે ત્યારે અમને તેના ર્નિણય વિશે જણાવે છે. મને લાગે છે કે એવી શક્યતા છે કે તે CSK માટે રમવાનું ચાલુ રાખશે. તે હજુ પણ એક ખેલાડી છે.
ઉલ્લેખનીય છે કે એમ.એસ. ધોની IPL 2027 ની સીઝન દરમિયાન એક પણ મેચ રમ્યો નહોતો. જાેકે તે દરેક મેચ માટે ટીમ સાથે મેદાન પર ઉતરતો હતો, પરંતુ ફિટનેસની સમસ્યાઓને કારણે તે પ્લેઈંગ ઈલેવનનો ભાગ બની શક્યો નહોતો. તે ગત સિઝનમાં ઈમ્પેક્ટ પ્લેયર તરીકે પણ રમ્યો નહોતો.
તેની વધતી જતી ઉંમરને કારણે દર વર્ષે તે રમશે કે નહીં તે અંગે ચર્ચા થતી હોય છે. ધોની હવે ૪૫ વર્ષનો થઈ ગયો છે.
ચેપોક ખાતે ચેન્નાઈ સુપર કિંગ્સના પરંપરાગત લેપ ઓફ ઓનરમાં એમ.એસ. ધોનીએ ભાગ લીધા બાદ તેના ભૂતપૂર્વ સાથી ખેલાડી સુરેશ રૈનાએ ખુલાસો કર્યો હતો કે તેણે માહી ભાઈને IPL ૨૦૨૭ માટે વાપસી કરવા વિનંતી કરી હતી.
