Vande Bharat: દેશભરના લગભગ તમામ રાજ્યોમાં વંદે ભારત ટ્રેનો દોડી રહી છે. ભારતના નાગરિકોને આ મહિને સ્લીપર વંદેની ભેટ મળવા જઈ રહી છે. આમાં રેલવે મુસાફરો આરામથી સૂઈને લાંબા અંતરની મુસાફરી કરી શકશે. સ્લીપર વંદે ભારત ટ્રેનો ઉપરાંત ભારતીય રેલવે નવા રૂટ પર ચેર કાર વંદે ભારત પણ શરૂ કરવા જઈ રહી છે. આગામી દિવસોમાં વંદે ભારત ટ્રેન બિહારના મુઝફ્ફરપુરથી પશ્ચિમ બંગાળના ન્યૂ જલપાઈગુડી વચ્ચે દોડવા જઈ રહી છે.
ન્યૂઝ-18ના રિપોર્ટ અનુસાર મુઝફ્ફરપુરથી ન્યૂ જલપાઈગુડી વચ્ચે વંદે ભારત ટ્રેન ઓક્ટોબરમાં શરૂ થઈ શકે છે. હાલમાં, આ બે શહેરો વચ્ચેનો મુસાફરીનો સમય અંદાજે દસ કલાકનો છે, જે ઘટીને છ કલાક થઈ શકે છે. જો કે રેલ્વેએ હજુ સુધી સત્તાવાર જાહેરાત કરી નથી, પરંતુ કહેવામાં આવી રહ્યું છે કે આ ટ્રેન માટે તૈયારીઓ કરવામાં આવી રહી છે. તેનાથી માત્ર બિહારના લોકોને જ નહીં પરંતુ પશ્ચિમ બંગાળના લોકોને પણ ફાયદો થશે.
1 હજાર લોકોએ ભાગ લીધો હતો
રિપોર્ટમાં જણાવવામાં આવ્યું છે કે ટ્રેન મુઝફ્ફરપુર અને ન્યૂ જલપાઈગુડી વચ્ચેનું 446 કિલોમીટરનું અંતર માત્ર છ કલાકમાં કાપશે. આ દરમિયાન ટ્રેનની સ્પીડ 130 કિલોમીટર પ્રતિ કલાકની રહેશે. ટ્રેન માટે સર્વે પણ કરવામાં આવ્યો છે, જેમાં આ રૂટ પર વંદે ભારત ચલાવવાની માંગ કરવામાં આવી છે. તમને જણાવી દઈએ કે લાંબા સમય બાદ એર્નાકુલમ અને બેંગલુરુ વચ્ચે વંદે ભારત ટ્રેન દોડાવવામાં આવી છે. તસવીર શેર કરતાં દક્ષિણ રેલવેએ લખ્યું હતું કે વૈભવી, નવું વંદે ભારત એર્નાકુલમ જંક્શનથી KSR બેંગલુરુ સિટી જંક્શન સુધીની તેની પ્રથમ યાત્રા પર છે.
