National News :તમિલ અભિનેતા અને તમિલગા વેત્રી કઝગમ (TVK)ના વડા થાલાપથી વિજયે ચેન્નાઈમાં પાર્ટી કાર્યાલય ખાતે પાર્ટીના ધ્વજનું અનાવરણ કર્યું હતું. આ દરમિયાન વિજયે કહ્યું, ‘હું જાણું છું કે તમે બધા અમારી પ્રથમ સ્ટેટ કોન્ફરન્સની રાહ જોઈ રહ્યા છો. આ માટે તૈયારીઓ ચાલી રહી છે અને હું ટૂંક સમયમાં તેની જાહેરાત કરીશ. તે પહેલા આજે મેં અમારી પાર્ટીના ઝંડાનું અનાવરણ કર્યું છે. હું ખૂબ જ ગર્વ અનુભવું છું. અમે તમિલનાડુના વિકાસ માટે સાથે મળીને કામ કરીશું.
સપ્ટેમ્બરના અંતમાં વિશાળ રેલી યોજાશે
TVK એ સપ્ટેમ્બરના અંતમાં વિલ્લુપુરમ જિલ્લાના વિકરાવંડી ખાતે રેલીનું આયોજન કરવામાં આવ્યું છે. આ રેલી TVK ની ઔપચારિક શરૂઆત કરશે.
ફેબ્રુઆરી 2025 સુધી રાજકારણમાં સંપૂર્ણ રીતે સક્રિય થઈ જશે
વિજયે આ વર્ષે ફેબ્રુઆરીમાં તમિઝાગા વેત્રી કઝગમ (TVK)ની રચનાની જાહેરાત કરી હતી. અભિનેતા તેની છેલ્લી ફિલ્મ પ્રોજેક્ટ ‘થલાપથી 69’ પૂર્ણ કર્યા પછી સંપૂર્ણપણે રાજકારણમાં પ્રવેશવાની યોજના ધરાવે છે, જે ફેબ્રુઆરી 2025 સુધીમાં પૂર્ણ થવાનું છે. તેમણે આગામી બે વર્ષમાં TVKના ગ્રાસરુટ ઈન્ફ્રાસ્ટ્રક્ચરનું નિર્માણ કરવાનું વચન આપ્યું છે અને 2024ની લોકસભા ચૂંટણીમાં કોઈપણ રાજકીય પક્ષને સમર્થન નહીં આપવાનું સ્પષ્ટ કર્યું છે.
