દેશમાં ગ્રામ્ય સહકારી બેંકોનો વ્યાપ વધારવા માટે આ વિશેષ પહેલ કરવામાં આવી. ગુજરાતમાં સહકારી માળખાને વધુ મજબૂત કરવા અને છેવાડાના ખેડૂતો સુધી બેંકિંગ સુવિધાઓ પહોંચાડવા માટે રાજ્ય સરકારે ઐતિહાસિક ર્નિણય લીધો છે. મુખ્યમંત્રી ભૂપેન્દ્ર પટેલની અધ્યક્ષતામાં મળેલી કેબિનેટ બેઠકમાં રાજ્યમાં ૦૯ નવી જિલ્લા મધ્યસ્થ સહકારી બેંકોની રચનાને સૈદ્ધાંતિક મંજૂરી આપવામાં આવી છે.
કેબિનેટ બેઠક બાદ પ્રવક્તા મંત્રીએ માહિતી આપતા જણાવ્યું હતું કે, વડાપ્રધાન નરેન્દ્ર મોદી અને કેન્દ્રીય સહકારિતા મંત્રી અમિત શાહના માર્ગદર્શન હેઠળ દેશમાં ગ્રામ્ય સહકારી બેંકોનો વ્યાપ વધારવા માટે આ વિશેષ પહેલ કરવામાં આવી છે. નાબાર્ડ દ્વારા રજૂ કરવામાં આવેલી ‘એપ્રોચ નોટ‘ના આધારે ગુજરાતમાં આ નવી બેંકોની સ્થાપના કરવામાં આવશે.
રાજ્યની હાલની મોટી સહકારી બેંકોનું વિભાજન કરીને નવા જિલ્લાઓમાં સ્વતંત્ર બેંકો અસ્તિત્વમાં આવશે:
હાલની બેંકનું નામ નવી બનનારી જિલ્લા બેંક
પંચમહાલ બેંક અરવલ્લી જિલ્લા બેંક
સાબરકાંઠા બેંક અરવલ્લી જિલ્લા બેંક
સુરત બેંક તાપી જિલ્લા બેંક
વડોદરા બેંક છોટાઉદેપુર જિલ્લા બેંક
જામનગર બેંક દેવભૂમિ દ્વારકા જિલ્લા બેંક
જૂનાગઢ બેંક પોરબંદર જિલ્લા બેંક
ખેડા બેંક આણંદ જિલ્લા બેંક
વલસાડ બેંક ડાંગ અને નવસારી જિલ્લા બેંક
રાજ્ય મંત્રીમંડળની મંજૂરી બાદ, હવે રાજ્ય સરકાર નાબાર્ડ મારફતે ભારતીય રિઝર્વ બેંક ને આ અંગેની દરખાસ્ત મોકલશે. ઇમ્ૈં ની અંતિમ મંજૂરી અને લાયસન્સ મળ્યા બાદ આ બેંકો વિધિવત રીતે કાર્યરત થશે.
