રામ મોહન નાયડુનો સંકેત: 1 એપ્રિલથી હવાઈ ભાડું મોંઘું થઈ શકે

ઉડ્ડયન મંત્રી રામ મોહન નાયડુએ એક મોટો સંકેત આપ્યા.પહેલી એપ્રિલથી હવાઈ મુસાફરી મોંઘી થઈ શકે છે.સરકારે સંકેત આપ્યો છે કે ૧ એપ્રિલથી એવિએશન ટર્બાઇન ફ્યુઅલ (ATF) ના ભાવમાં વધારો શક્ય છે.પશ્ચિમ એશિયામાં ચાલી રહેલા યુદ્ધ અને ભૂ-રાજકીય અસ્થિરતાની અસર હવે ભારતીય એરલાઇન્સ પર પડી રહી છે. સરકારે સંકેત આપ્યો છે કે ૧ એપ્રિલથી એવિએશન ટર્બાઇન ફ્યુઅલ (ATF) ના ભાવમાં વધારો શક્ય છે. જાેકે, કેન્દ્રીય નાગરિક ઉડ્ડયન મંત્રાલયે સ્પષ્ટતા કરી છે કે મુસાફરો પર તાત્કાલિક બોજ નહીં પડે અને આનો ઉકેલ લાવવાના પ્રયાસો ચાલી રહ્યા છે.

કેન્દ્રીય નાગરિક ઉડ્ડયન મંત્રી રામ મોહન નાયડુએ જણાવ્યું હતું કે, ATF ના ભાવ દર મહિનાની પહેલી તારીખે નક્કી થાય છે, અને તેથી, સંભવિત અસર ૧ એપ્રિલથી જ અનુભવાઈ શકે છે. તેમણે જણાવ્યું હતું કે આ મુદ્દા પર એરલાઇન્સ સાથે ચર્ચા ચાલુ છે. નાયડુએ સ્વીકાર્યું કે એરલાઇન્સ નાણાકીય દબાણ હેઠળ છે, પરંતુ સરકારની પ્રાથમિકતા સલામત અને નિયમિત કામગીરી સુનિશ્ચિત કરવાની છે.
ઈરાન યુદ્ધને કારણે ક્રૂડ ઓઈલના પુરવઠામાં વિક્ષેપ અને ગલ્ફ દેશોમાં ફ્લાઇટ્સ સ્થગિત થવાને કારણે વીમા ખર્ચમાં વધારો થયો છે અને ઓપરેશનલ ખર્ચમાં વધારો થવાનું જાેખમ છે. જાે તેલના ભાવ વધે છે, તો આ સીધી રીતે ATF ના ભાવમાં વધારો થશે. જાેકે, સરકારે સ્પષ્ટતા કરી છે કે તેમની પ્રાથમિકતા એ સુનિશ્ચિત કરવાની છે કે મુસાફરોને તાત્કાલિક ઊંચા ભાડાનો સામનો ન કરવો પડે.
મંત્રી નાયડુએ જણાવ્યું હતું કે, વર્તમાન પરિસ્થિતિઓમાં, તેલ અને ATF ના ભાવમાં વધારો લગભગ નિશ્ચિત છે. તેમણે ભારપૂર્વક જણાવ્યું હતું કે ,મંત્રાલયનું ધ્યાન એ સુનિશ્ચિત કરવા પર રહેશે કે આનાથી ટિકિટના ભાવમાં તીવ્ર વધારો ન થાય. સરકાર મુસાફરોના હિતમાં તમામ શક્ય પગલાં લેશે.