અબ્રાહમ તેમના માટે શક્તિનો આધારસ્તંભ રહ્યા છે અમેરિકન જાસુસોની Chief Tulsi Gabbard એ આપ્યું રાજીનામું તેમના પતિને હાડકાના કેન્સરના દુર્લભ સ્વરૂપ સામેની લડાઈમાં ટેકો આપવા માટે રાજીનામું આપી રહી છે શુક્રવારે US ગુપ્તચર વિભાગના નિર્દેશક તુલસી ગબાર્ડે તેમના પદ પરથી રાજીનામું આપી દીધુ છે. તેઓ રાષ્ટ્રપતિ ડોનાલ્ડ ટ્રમ્પના મંત્રીમંડળનો ભાગ હતા અને રાષ્ટ્રીય ગુપ્તચર નિયામકના પદ પર નિયુક્ત થયા હતા. ગેબાર્ડે તેમના પતિના સ્વાસ્થ્યને કારણે આ ર્નિણય લીધો હતો.
ગેબાર્ડે તેમના રાજીનામા પત્રમાં લખ્યું છે કે તેઓ તેમના પતિને હાડકાના કેન્સરના દુર્લભ સ્વરૂપ સામેની લડાઈમાં ટેકો આપવા માટે રાજીનામું આપી રહી છે. પત્રમાં, તુલસી ગબાર્ડે ટ્રમ્પ વિશે કહ્યું, “તમે મારા પર મૂકેલા વિશ્વાસ અને છેલ્લા દોઢ વર્ષથી રાષ્ટ્રીય ગુપ્તચર નિયામકના કાર્યાલયનું નેતૃત્વ કરવાની તક આપવા બદલ હું ખૂબ આભારી છું.”ગત વર્ષે ફેબ્રુઆરીમાં તુલસી ગબાર્ડે નેશનલ ઇન્ટેલિજન્સના ડિરેક્ટર તરીકે શપથ લીધા હતા. તેમણે જણાવ્યું હતું કે, “દુર્ભાગ્યવશ, મારે ૩૦ જૂન, ૨૦૨૬ થી રાજીનામું આપવું પડશે. મારા પતિ, અબ્રાહમ, તાજેતરમાં જ હાડકાના કેન્સરના ખૂબ જ દુર્લભ સ્વરૂપનું નિદાન થયું છે.”
તુલસી ગબાર્ડે જણાવ્યું હતું કે તેમના પતિને આગામી અઠવાડિયામાં નોંધપાત્ર પડકારોનો સામનો કરવો પડશે. જાહેર સેવાથી દૂર રહેવું અને આ સમય દરમિયાન તેમની સાથે રહેવું, કેન્સર સામેની તેમની લડાઈમાં તેમને ટેકો આપવો ખૂબ જ મહત્વપૂર્ણ છે. ગબાર્ડે જણાવ્યું હતું કે તેમના લગ્નને ૧૧ વર્ષ થયા છે. તેમણે ઉમેર્યું હતું કે અબ્રાહમ તેમના માટે શક્તિનો આધારસ્તંભ રહ્યા છે.
પૂર્વ આફ્રિકામાં સંયુક્ત વિશેષ કામગીરી મિશનમાં મારી નિમણૂક દરમિયાન અને અસંખ્ય રાજકીય ઝુંબેશમાં મારી ભૂમિકા દરમિયાન તેઓ મારી સાથે ઉભા રહ્યા. તેમની શક્તિ અને પ્રેમે દરેક પડકારમાં મને ટેકો આપ્યો છે. વધુમાં, તુલસી ગબાર્ડે જણાવ્યું હતું કે તેણી ODNI માં નોંધપાત્ર રીતે વિકાસ પામી છે. પારદર્શિતા વધી છે અને પ્રામાણિકતા પુન:સ્થાપિત થઈ છે. જાેકે, નોંધપાત્ર કાર્ય કરવાનું બાકી છે.
